2021 yilda qaysi hududda eng ko‘p poliz ekinlari yetishtirilgani ma’lum bo‘ldi. Davlat statistika qo‘mitasi tegishli xabar bilan chiqdi.
![](https://storage.kun.uz/source/8/5SqeoEdL-KY2XctTBVNkthzV-5E9UGkv.jpg)
Qo‘mitaning dastlabki ma’lumotlariga ko‘ra, 2021 yil yanvar-dekabr oylarida respublikada 2,3 mln tonna poliz ekinlari yetishtirilgan.
Hududlar kesimida yetishtirilgan poliz ekinlari hajmi bo‘yicha Surxondaryo viloyati yetakchilik qilmoqda - 320,3 ming tonna.
Keyingi o‘rinlardan 269,5 ming tonna poliz ekinlari yetishtirilgan Jizzax viloyati va 260,8 ming tonna poliz ekinlari yetishtirilgan Sirdaryo viloyati joy oldi.
Ushbu ko‘rsatkich qolgan hududlar kesimida quyidagicha:
Qoraqalpog‘iston R. – 164,8 ming tonna;
Andijon viloyati – 178,7 ming tonna;
Buxoro viloyati – 181,3 ming tonna;
Qashqadaryo viloyati – 177,1 ming tonna;
Navoiy viloyati – 98,7 ming tonna;
Namangan viloyati – 123,8 ming tonna;
Samarqand viloyati – 150,8 ming tonna;
Toshkent viloyati – 54,8 ming tonna;
Farg‘ona viloyati – 142,6 ming tonna;
Xorazm viloyati – 157,9 ming tonna.