Ўзбекистон асосан қайси давлатлардан енгил автомобил импорт қилгани маълум бўлди. Давлат статистика қўмитаси тегишли хабар билан чиқди.

Фото: Kun.uz

Қўмита маълумотларига кўра, 2022 йилнинг январь-февраль ойларида Ўзбекистон енгил автомобилларни энг кўп импорт қилган давлатлар орасида Хитой етакчилик қилмоқда – 3 436 та автомобил.

Бу кўрсаткич қолган давлатлар бўйича қуйидагича кўриниш олди:

• Корея – 1 512 та
• Қозоғистон – 502 та
• Россия – 431 та
• АҚШ – 19 та
• Япония – 15 та
• Германия – 9 та
• Ҳонгконг – 5 та
• Туркия – 4 та

Қўмитага кўра, 2022 йилнинг январь-февраль ойларида Ўзбекистон 18 та хорижий давлатлардан қиймати 124,5 млн АҚШ долларига тенг бўлган 5 948 та енгил автомобил импорт қилган. 

Енгил автомобиллар импорти ўтган йилнинг мос даври билан солиштирилганда 4 873 тага ёки қарийб 6 баробарга ошган.