O‘zbekistonning Avstriyadagi elchisi o‘rindoshlik asosida Vengriyadagi elchi lavozimiga tayinlandi

O‘zbekistonning Vengriyadagi favqulodda va muxtor elchisi tayinlandi. Bu haqda “Nigoh” kanali xabar bermoqda.

Foto: t.me/nigoh_01

Qayd etilishicha, O‘zbekistonning Avstriyadagi favqulodda va muxtor elchisi Abat Fayzullayev o‘rindoshlik asosida O‘zbekistonning Vengriyadagi favqulodda va muxtor elchisi lavozimida ish boshladi.

Abat Fayzullayev bir vaqtning o‘zida ikki diplomatik missiyani boshqaradi: Avstriya va Vengriyadagi.

Diplomat amaldagi lavozimni 2020 yil iyulidan beri egallab kelmoqda. Bungacha u vazir yordamchisi – Tashqi ishlar vazirligi Tashkiliy-nazorat boshqarmasi boshlig‘i lavozimida ishlab kelgan.