3 iyun kuni Agrobank o‘z ekotizimi doirasidagi “Agromarkaz” qishloq xo‘jaligidagi servislar va “Agrozamin - O‘zimizniki” platformasi loyihalari taqdimotini o‘tkazdi.
O‘zbekistonda qishloq xo‘jaligini rivojlantirishda o‘zining hissasini qo‘shayotgan bank tomonidan yaratilgan “Agromarkaz” loyihasi qishloq xo‘jaligidagi barcha zarur xizmatlarni jamlab, sohadagi jarayonlarni yanada moslashuvchan holga keltiradi. “Agrozamin - O‘zimizniki” platformasi esa butun mamlakat bo‘ylab qishloq xo‘jaligi sohasi, jumladan tomorqa yer egalari uchun xizmat qiladi.
“Agrobank” ATB boshqaruv raisi o‘rinbosari Erkin Qahhorovning aytishicha, bank o‘z oldiga fermerlar va aholiga qishloq xo‘jaligi mahsulotlarini yetishtirish va ularni sotishda marketpleys usulida xizmat ko‘rsatishni maqsad qilgan: “Biz shu vazifalarni tizimli tashkil etish maqsadida jamoamiz tomonidan “Agrozamin - O‘zimizniki” platformasini ishlab chiqdik. Qishloq xo‘jaligi mahsulotlarini yetishtirishda bir nechta bosqichlarni bosib o‘tishga to‘g‘ri keladi. Ya’ni yerga ishlov berishdan boshlab tayyor mahsulotni sotishgacha bo‘lgan davrni. Ana shu jarayondagi xizmatlarni ko‘rsatishni “Agromarkaz” bajaradi. Buning uchun qayergadir borish, vaqt sarflash shart emas. Onlayn platformada o‘z hududini belgilash orqali o‘sha yerdagi markazni topadi va mobil brigadalar kerakli yordamni taqdim etadi”.
“Agromarkaz” - shaxsiy tomorqa xo‘jaliklari egalari uchun xizmatlarni taklif etadigan kompleks xizmatlar markazi hisoblanadi. Markaz xizmatlaridan:
- tomorqa yer egalari;
- dehqonlar;
- fermer xo‘jaliklari va klasterlar ham foydalanishi mumkin.
“Agromarkaz”ning asosiy faoliyati quyidagi yo‘nalishlar bo‘yicha bo‘limlarni o‘z ichiga oladi:
- Agrolab - o‘simlik va tuproq diagnostikasi bo‘yicha zamonaviy laboratoriya. Yer unumdorligi, oziq moddalarning yetib borishi va o‘simliklar tomonidan o‘zlashtirilish darajasi, namlikning mavjudligi, o‘simliklarni turli hasharotlardan himoya qilish va ularni zarur mahsulotlar bilan ta’minlash kabi xizmatlarni ko‘rsatadi;
- Agromarket - qishloq xo‘jaligi mahsulotlari do‘koni.
- Agronom, veterinar va laboratoriya onlayn maslahatchilar.
- Agromarkaz tasarrufidagi mini-texnika yordamida ferma yoki bog‘larda xizmat ko‘rsatish;
- Call Center - yagona raqam bo‘yicha maslahat va xizmatlar olishni tashkillashtirish;
- Avtomatlashtirilgan bank xizmatlari markazi.
“Agrozamin - O‘zimizniki” - bu fermer va tomorqa yer egalari uchun maxsus chakana savdo platformasi. Ro‘yxatdan o‘tgan foydalanuvchilarga ular yetishtirgan yoki ishlab chiqargan mahsulotni tez va oson sotish imkoniyati taqdim etiladi. Xaridorlar esa o‘zlariga kerakli tovarni qulay qidiruv tizimi orqali topishi, buyurtma qilishi va sotib olishi mumkin bo‘ladi. Servis katalogi agrar soha bilan bog‘liq 100dan ortiq yo‘nalishlarni o‘z ichiga oladi. Savdo platformasidan veb-sayt, shuningdek, Android va iOS mobil ilovalari orqali foydalanish mumkin.
“Agrozamin - O‘zimizniki” platformasida “Mening tomorqam” ko‘rsatuvlar turkumini yaratdik. Butun respublika bo‘ylab shaxsiy tomorqadan foydalanuvchilar uchun mahsulot yetishtirish sirlari haqida ma’lumot berib boriladi. Hozir yurtimizda 167ta markaz to‘liq ishga tushdi. Markazlar yagona “Agromarkaz” dizayni va taniqlik belgisi bazasida qurilgan va jihozlangan”, - deydi Agrobank boshqaruv raisi o‘rinbosari.
Reklama huquqi asosida
