25 iyun kuni shaxmat bo‘yicha sovrin jamg‘armasi 880 million so‘m bo‘lgan “Yoshlar ishlari agentligi kubogi” turnirining final bosqichi Navoiy viloyatining Qiziltepa tumanida joylashgan To‘dako‘l majmuasida bo‘lib o‘tdi.
Finalda 4 ta yo‘nalishning (havaskor ayol, havaskor erkak, professional ayol va professional erkak) har biri bo‘yicha g‘oliblar:
- 1-o‘rin 50 million so‘m;
- 2-o‘rin 30 million so‘m;
- 3-o‘rin 20 million so‘m;
- Respublika bosqichiga chiqqan har bir ishtirokchi esa 10 million so‘mdan pul mukofoti bilan taqdirlangan.
Yoshlar ishlari agentligi direktori Alisher Sa’dullayev turnirning final bosqichida 1-o‘rinni qo‘lga kiritib, 50 million so‘mdan pul mukofoti bilan taqdirlangan yoshlar ro‘yxatini e’lon qildi.
- Javohir Bozorov — Toshkent shahri, Yangihayot tumani Olchazor mahallasidan. U havaskor erkak yo‘nalishida 1-o‘rinni qo‘lga kiritdi.
- Madina To‘xtayeva — Buxoro viloyati, Buxoro tumani Navro‘z mahallasidan. U havaskor ayol yo‘nalishida 1-o‘rinni qo‘lga kiritdi.
- Bobur Sattorov — Surxondaryo viloyati, Denov tumani Guliston mahallasidan. U professional erkak yo‘nalishida 1-o‘rinni qo‘lga kiritdi.
- Maftuna Bobomurodova — Toshkent shahri, Mirzo Ulug‘bek tumani Al Farobiy mahallasidan. U professional ayol yo‘nalishida 1-o‘rinni qo‘lga kiritdi.
Ma’lumot uchun, mazkur turnir ilk marta mahalla, sektor, tuman, viloyat va respublika bosqichlarida o‘tkazilgan. Unda 327 878 nafar inson ro‘yxatdan o‘tib, har bir mahallalardan saralanib chiqqan. Yoshlar ishlari agentligi mazkur turnir orqali respublikaning barcha mahallalaridagi shaxmatchilarni qamrab olgan.
Ijtimoiy tarmoqlarda tarqalgan videoda ko‘rish mumkinki, turnirning final bosqichida ishtirok etish uchun borgan imkoniyati cheklangan shaxmatchi yigit o‘z taassurotlari bilan bo‘lishgan.
Yoshlar ishlari agentligi matbuot hizmati Ⓣ
