Şavkat Mirziyoyev va Serdar Berdimuhamedov qöşma bayonot imzoladi

Özbekiston yetakçisi Turkmaniston prezidentining taşrifi xalqlarimiz örtasidagi köp asrlik döstlik, yaxşi qöşniçilik, işonç va özaro qöllab-quvvatlaşga asoslangan birodarlik riştalari tarixida yangi sahifa oçişga qaratilganini ta’kidladi.

«Bugun biz Serdar Gurbanguliyeviç bilan mazmunli, oçiq va batafsil muzokaralar ötkazdik, ular, şubhasiz, hamkorligimizni yangi, yanada yuqori darajaga olib çiqadi. Biz ikki tomonlama kun tartibidagi barça dolzarb masalalarni har tomonlama muhokama qildik. Hamkorlikning bugungi holati yuzasidan fikr almaşdik, bu borada katta yutuqqa erişilganini qayd etdik. Siyosiy, savdo-iqtisodiy, transport, suv-energetika va gumanitar yönalişlarda birgalikdagi işimizning ustuvor jihatlarini belgilab oldik», deydi Özbekiston prezidenti.

Davlatimiz rahbari Turkmaniston bilan har tomonlama hamkorlikni yanada mustahkamlaş Özbekiston taşqi siyosatining özgarmas ustuvor yönalişi ekanini qayd etdi.

Köp qirrali Özbekiston-Turkmaniston munosabatlarining mustahkamlanişiga Turkmaniston Milliy Kengaşi Xalq Maslahati Raisi Gurbanguli Berdimuhamedovning hissasi beqiyos ekani alohida ta’kidlandi.

«Bugun Turkmaniston prezidenti Serdar Berdimuhamedov uşbu çuqur öylangan siyosatni davom ettirayotganidan biz, Özbekiston çin dildan xursandmiz», - dedi mamlakat yetakçisi.

Şavkat Mirziyoyev muzokaralarda ikki mamlakat örtasidagi hamkorlikning muhim sohalaridagi barça masalalar batafsil körib çiqilganini qayd etdi.

Qator istiqbolli yönalişlar böyiça, sanoat kooperatsiyasi loyihalarini amalga oşiriş, tovar ayirboşlaşni köpaytiriş, çegaraoldi savdo zonasini taşkil etiş, qöşma loyiha ofisini oçiş yuzasidan qabul qilingan qarorlar muzokaralarning muhim natijasi böldi.

Avtomobilsozlik, kimyo, elektrotexnika, töqimaçilik, oziq-ovqat sanoati va qişloq xöjaligida özaro manfaatli hamkorlikni kengaytirişga kelişib olindi.

Şu maqsadda örta muddatli Savdo-iqtisodiy hamkorlik va sanoat kooperatsiyasini rivojlantiriş dasturi qabul qilindi.

Hududlar örtasida tizimli muloqotni rivojlantiriş ham Özbekiston-Turkmaniston şerikligiga yangi sur’at bağişlaydi. Kuni keça Buxoroda muvaffaqiyatli ötkazilgan birinçi Hududlar forumi hali işga solinmagan ulkan salohiyat mavjudligini yaqqol körsatdi. Uning yakunida umumiy qiymati 450 million dollardan ziyod bölgan aniq şartnoma va kelişuvlar imzolandi.

Parlamentlar – Oliy Majlis va Milliy Kengaş örtasidagi hamkorlik samarali keçayotgani mamnuniyat bilan qayd etildi.

Har doimgidek, madaniy-gumanitar hamkorlikni rivojlantiriş masalalari muzokaralar diqqat markazida böldi. Ilmiy va akademik almaşinuvlarni rivojlantiriş, innovatsiyalar sohasidagi dasturlarni qöllab-quvvatlaş yuzasidan kelişuvga erişildi.

Bundan buyon ham Özbekiston va Turkmaniston madaniyati va kino kunlarini ötkazib boriş, turizm sohasidagi qöşma loyihalarni ilgari surişga qaror qilindi.

Muzokaralarda mintaqamizda xavfsizlik va barqarorlikni mustahkamlaş masalalari muhokama qilindi. Markaziy Osiyo davlatlari rahbarlari Maslahat uçraşuvlarining muhim ahamiyati qayd etildi.

«Markaziy Osiyoda mintaqaviy jarayonlar va köp tomonlama hamkorlikning mustahkamlanişi mintaqadagi barça mamlakatlarning taraqqiyoti va ravnaqiga xizmat qilişiga qat’iy işonaman», dedi Özbekiston prezidenti.

Afğonistondagi vaziyat yuzasidan fikr almaşildi. Davlat rahbarlari uşbu mamlakatning ijtimoiy-iqtisodiy tiklanişi maqsadida bundan buyon ham birgalikda harakat qilişga tayyorligini bildirdilar.

BMT, MDH, IHT, Turkiy davlatlar taşkiloti va boşqa tuzilmalar doirasida faol muloqotlar va özaro qöllab-quvvatlaşni davom ettiriş muhimligi qayd etildi.

Özbekiston prezidenti Turkmaniston tomonini Markaziy va Janubiy Osiyoning özaro boğliqligini mustahkamlaş töğrisida BMT Boş Assambleyasining maxsus rezolyutsiyasini işlab çiqiş va qabul qilişda körsatgan faol kömagi uçun minnatdorlik bildirdi.

Davlati rahbari turkmanistonlik hamkasbini Samarqandda ötkaziladigan ŞHTning navbatdagi sammitida faxriy mehmon sifatida iştirok etişga taklif etdi.

«Köp qirrali Turkmaniston-Özbekiston munosabatlari bugun jadal rivojlanmoqda. Özbekiston bizning muhim siyosiy hamkorimizdir. Bugun savdo-iqtisodiy şeriklik masalalari batafsil muhokama qilindi, uni kengaytiriş va diversifikatsiya qilişga ikkala tomon ham tayyor ekani tasdiqlandi», – dedi Serdar Berdimuhamedov.

Yakunda davlat rahbarlari keng kölamli strategik şeriklikni rivojlantiriş va kengaytiriş, uni sifat jihatidan yangi mazmun bilan boyitiş, birodar mamlakatlarimiz va xalqlarimiz taraqqiyoti va ravnaqi yölida aniq va samarali natijalarga erişişga qat’iy intilişlarini ta’kidladilar.