Xorijga chiqish pasportlarini berishda muammolar kuzatilmoqda

O‘zbekiston fuqarolariga xorijga chiqish biometrik pasportlarini berish bo‘yicha ma’lumotlar markazi vaqtincha ishlamayapti.

Foto: Kun.uz

Ichki ishlar vazirligi tizimidagi manbaning Kun.uz'ga ma’lum qilinishicha, ayrim nosozliklarni bartaraf qilish maqsadida bazada profilaktika ishlari olib borilmoqda, shu sababli tizimning ishlashida uzilish yuzaga kelgan.

Uzilish butun respublika bo‘ylab kuzatilyapti.

“Davlat personallashtirish markazidan ma’lumotlarni qabul qilishda vaqtinchalik uzilishlar kuzatilmoqda. Ayni vaqtda kamchiliklarni bartaraf qilish borasida ishlar olib borilmoqda”, – deyiladi Kun.uz’ga taqdim qilingan ma’lumotda.