Bosh prokuratura huzuridagi Departament maʼlumotiga koʻra, tezkor tadbir uning Zangiota tumani boʻlimi va boshqa huquqni muhofaza qiluvchi organlar xodimlari hamkorligida oʻtkazilgan.
Maʼlum qilinishicha, uch nafar fuqaro oʻzaro til biriktirib, S.C. MCHJ rahbari M.N.ga goʻyoki yuqori lavozimlarda ishlovchi tanishlari orqali Ichki ishlar vazirligiga qarashli toʻrtta davlat maktabgacha taʼlim tashkilotida rekonstruksiya va qurilish ishlarini olib berishni vaʼda qilgan.
Ular umumiy qiymati 60 mlrd soʻmlik ushbu ishlarni olib berish uchun tadbirkordan 100 ming dollar talab qilgani bildirilgan.
Holat yuzasidan Jinoyat kodeksining 168-moddasi - firibgarlik hamda 28 va 211-moddalari - pora berishda ishtirokchilik boʻyicha jinoyat ishi qoʻzgʻatilgan. Tergov harakatlari davom etmoqda.
