14:45 / 28.08.2022
17735
Фото: Покистонда даҳшатли сув тошқинлари

Европа ва Хитойда дарёлар қуриётган чоғда Покистонда сув тошқинларида юзлаб одамлар ҳалок бўлмоқда.

Жаъфаробод округидаги (Белужистон) сув остида қолган қишлоқ аҳолиси вакили ўз буюмларини қўлда ясалган сол орқали олиб кетмоқда. Покистон ҳукумати сув тошқинлари 33 миллион кишининг ҳаётига таъсир кўрсатганини хабар қилган — бу мамлакат аҳолисининг 15 фоизи.
Zahid Hussain / AP / Scanpix / LETA

Покистон ҳукумати 26 август куни тўхтамаётган муссон ёмғирлари натижасида юзага келган сув тошқинлари туфайли фавқулодда ҳолат режими жорий этди. Август ойида Синд вилоятида ўртача кўрсаткичдан 780 фоиз кўпроқ ёғингарчилик ёғган, Белужистонда эса бу кўрсаткич — қарийб 500 фоизга тенг. Сув тошқинлари 937 киши умрига зомин бўлган; юз минглаб уйлар вайрон бўлган. Ҳукумат баҳоларига кўра, табиий офат у ёки бу даражада 33 миллион киши ёки мамлакат аҳолисининг 15 фоизининг ҳаётига таъсир кўрсатган. Бош вазир Шаҳбоз Шариф халқаро ҳамжамиятдан ёрдам сўраган ва қутқарувчилар одамлар эвакуация қилинишини кутаётган кўплаб ҳудудларга етиб бора олмаётганини тан олган. Ҳукуматдагилар содир бўлаётган воқеаларни иқлим ўзгаришлари билан боғлаган ва бу мамлакат тарихидаги энг кучли сув тошқинлари эканини маълум қилган.

Сув остида қолган уйларидан яроқли буюмларини излаётган одамлар. Жаъфаробод округи
Fida Hussian / AFP /Scanpix / LETA
Раджанпур (Панжоб вилояти) округидаги қишлоқ аҳолиси сув остида қолган ҳудуд бўйлаб ҳаракатланишда қўлбола солдан фойдаланмоқда. Қутқарувчилар ҳамон одамлар эвакуация кутаётган кўплаб ҳудудларга етиб бора олмаяпти.
Shahid Saeed Mirza / AFP / Scanpix / LETA
Табиий офат ҳудудидан ўз буюмларини (жумладан мопед ва тўтиқуш солинган қафас) олиб чиқаётган оила.
Shahid Saeed Mirza / AFP / Scanpix / LETA
Чарсадда округида (Хайбер-Пахтунхва вилояти) сув тошқинлари остида қолган қишлоқ. Узоқда ҳали сув остида қолмаган йўл кўринади — айнан юқорироқ қилиб кўтариб қурилган йўллар мамлакатда кўпчиликнинг ҳаётини сақлаб қолди.
Abdul Majeed / AFP / Scanpix / LETA
Арқондан маҳкам ушлаб олган бола оқимни енгиб ўтмоқда. Фотосурат Чарсадда округида (Хайбер-Пахтунхва вилояти) олинган.
Arshad Arbab / EPA / Scanpix / LETA
Чарсадда округида оқимга қарши сузишга уринаётган йигит
Fayaz Aziz / Reuters / Scanpix / LETA
Миллиондан ортиқ киши истиқомат қиладиган Ҳайдаробод шаҳри аҳолиси шаҳар кўчасида пайдо бўлган канални солда кечиб ўтмоқда. Июн ойидан буён мамлакатда сув тошқинлари оқибатида камида 937 киши ҳалок бўлган.
Akram Shahid / AFP / Scanpix / LETA
Сув остида қолган дала майдонида эчки орқалаб кетаётган киши. Синд вилояти, Навшаҳро-Фируз округи
Asif Hassan / AFP / Scanpix / LETA
Сув остига қолган ҳудуд бўйлаб ўтаётган ҳайдарободликлар
Nadeem Khavar / EPA / Scanpix / LETA
Ёқубободлик йигит сувга тўлган кўчада пластик бочкага тушиб сузиб кетмоқда
Asif Hassan / AFP / Scanpix / LETA
Ёқубобод шаҳрида тошқиндан қолган лой йўл оралаб ўтаётган аёл кўзада сув ташимоқда
Asif Hassan / AFP / Scanpix / LETA
Сув тошқинлари туфайли бошпанасини йўқотганлар учун ташкил этилган лагер ҳудудида гулхан ёқиб, нон пишираётган аёл. Синд вилояти, Навшаҳро-Фируз округи
Asif Hassan / AFP / Scanpix / LETA
Пандоб вилояти аҳолиси ёрдам кутмоқда
Faisal Kareem / EPA / Scanpix / LETA
Мавзу
Иқлим ўзгаришлари
Иқлим ўзгаришлари натижасида Ер юзининг турли нуқталарида экстремал об-ҳаво кузатилмоқда.
Барчаси
Top