15:02 / 11.09.2022
7778
Сирдарёда 3 минг доллар эвазига диплом олиб бермоқчи бўлган шахслар ушланди

Ҳолат юзасидан Жиноят кодексининг 168, 28 ва 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

Бош прокуратура ҳузуридаги департаментнинг хабар беришича, департаментнинг Боёвут туман бўлими томонидан тезкор тадбир ўтказилган.

Тадбирда, фуқаролар Т.Н. ва Д.Н. фуқаро Ҳ.га юқори лавозимларда ишловчи танишлари ёрдамида Тошкент ирригация ва қишлоқ хўжалигини механизациялаш муҳандислари институтининг Қарши филиалини тугатгани тўғрисида диплом олиб бериши эвазига 3 000 доллар олган вақтида ашёвий далиллар билан ушланган.

Қайд этилишича, мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

Аввалроқ, Самарқанд давлат архитектура-қурилиш институти бўлим бошлиғи фуқарони ўқишга киритишини айтиб, эвазига 5 минг доллар олаётганда қўлга олинганди.

Top