Toşkentda “Özbekiston: Markaziy Osiyo böylab zamonlar oşa sayohat” filmi namoyişi bölib ötdi

“Mazkur hujjatli film Fransiyaning Luvr muzeyi va Arab dunyosi institutida böladigan körgazmalarning oçilişidan bir oy oldin taşkil etildi. Bu ikki körgazmani ötkaziş ğoyasi 2018 yilda janob Şavkat Mirziyoyevning Fransiyaga borib, Makron janoblari bilan uçraşganida berilgan edi.

Maqsad – Özbekiston-Fransiya örtasidagi madaniy hamkorlikni yanada rivojlantiriş. Şu bilan 2018 yildan boşlab Özbekistonning Madaniyat va san’atni rivojlantiriş jamğarmasi hamda Luvr muzeyi mutaxassislari, restavratorlari 4 yil mobaynida mazkur loyiha ustida işlaşdi.

Davlatlarimiz orasida hamkorlik yanada rivojlanib bormoqda. Bugun namoyiş etilgan film esa mana şu hamkorlikning yaqqol isboti desak böladi”, – dedi elçi xonim.

Jamğarma matbuot kotibi Elmurod Najimovning sözlariga köra, hujjatli filmni işlaş va körgazmaga tayyorgarlik jarayonida bejizga fransuz mutaxassislar bilan işlanmayapti.

“2017 yilda jamğarmamiz taşkil etilib, 2018 yildan faoliyatini töliq boşlab olgan. Öşanda jamğarmamiz xodimlari bir qança çet davlatlari: Buyuk Britaniya, Fransiya, Yaponiya, Rossiya kabi mamlakatlarga safar ham qilişgan edi.

Noyabr oyining söngida ötadigan katta körgazmalarimizni Londondagi Britaniya muzeyida, Yaponiya yoki Xitoy muzeylarida ötkaziş taklifi bor edi.

Luvr muzeyi taşrif buyuruvçilar soni böyiça dunyoda birinçi örinni, eksponatlarga boyligi jihatidan esa Ermitajdan keyin ikkinçi örinni egallagan, şuning uçun ham aynan Luvr muzeyi rahbariyati bilan memorandum imzolaşga kelişib oldik. Keyinroq memorandum imzolanib, bu körgazma uçun umumiy hisobda 4 yil tayyorgarlik kördik. Körgazmaga tayyorgarlik davomida bir qança loyihalarni amalga oşirdik. Ular qatorida taqdimoti bölib ötayotgan “Özbekiston: Markaziy Osiyo böylab zamonlar oşa” hujjatli filmini ham misol qiliş mumkin”, – dedi u.

Uning qayd etişiça, hujjatli film fransiyalik ijodkorlar, ARTE telekanali, Luvr muzeyi xodimlari hamda mahalliy mutaxassislar bilan birga 6 oy davomida suratga olingan.

Hujjatli film rejissyori Jivko Darakçiyev filmni yaratişda tarixiy voqealarni bir-biriga ulaş eng mas’uliyatli işlardan bölganini aytadi.

“Bir kun prodyusserim Sofi Goupil kelib: “Bir loyiha bor, qatnaşib körasanmi?” deb qoldi. Keyin rozilik bildirib, 10 kun davomida film voqealari qanday körinişda ketadi, şularni aniqlaştirib oliş uçun izlandim. Şundan söng 6 oy ötgaç, bildikki, bu hujjatli filmni suratga oliş uçun biz tanlangan ekanmiz.

Hayotim davomida qisqa vaqt içida tayyorlagan filmim şu böladi. Bu film ustida işlaşdan oldin hamma narsani noldan boşlaşga töğri keldi, çunki Markaziy Osiyo davlatlari haqida faqat umumiy ma’lumotlarni bilar edim, bu esa kamlik qilardi. Şuning uçun ham nima örgangan bölsam, men uçun hammasi yangilik böldi.

Jarayondagi eng mas’uliyatli işlardan biri bu – tarixiy voqealarni bir-biriga izçil ulab ketiş böldi, boisi, bunda rejissyordan faqat tarix kitoblarini öqiş emas, balki voqealarni rosmanasiga jonlantiriş talab etilardi. Töğrisini aytsam, men uçun eng qiyini izlaniş böldi. Şunga qaramay, suratga oliş jarayoni juda yaxşi ötdi, bizga yordam bergan hamkor taşkilotlardan minnatdormiz. Söngida aytişim mumkinki, natija meni qoniqtirdi”, – deydi rejissyor.

Filmni tomoşa qiliş davomida e’tiborimizni tortgani uning rus, ingliz va qöşimça ravişda fransuz tilida namoyiş etilgani böldi.

“Premerada iştirok etganlarning aksariyati – çet ellik diplomatik korpus vakillari. Şuning uçun ham film premerasi rus, ingliz, qöşimça ravişda fransuz tillarida namoyiş etildi. Bundan közlangan maqsad – özbek madaniyati va san’atini çet elda tarğib qilişdir”, – dedi jamğarma matbuot kotibi Elmurod Najimov.

Qöşimça qilinişiça, hujjatli film yaqin orada Özbekistondagi telekanallarda özbek tilida ham namoyiş etiladi. Bundan taşqari, keyinçalik xorij telekanallari, xususan Fransiyaning eng ommabop telekanallarida körsatilişi rejalaştirilgan.