Sardor Umrzoqov Anqarada Rajab Toyyib Erdo‘g‘an bilan uchrashdi

Foto: Turkiya prezidenti matbuot xizmati

25 oktyabr kuni O‘zbekiston prezidenti administratsiyasining rahbari Sardor Umrzoqov Anqarada Turkiya prezidenti Rajab Toyyib Erdo‘g‘an bilan uchrashdi. Turkiya prezidenti matbuot xizmati muzokara tafsilotlarini ochiqlamagan.

Anadolu nashrining yozishicha, Anqaradagi prezident saroyida uchrashuv OAV uchun yopiq tartibda bo‘lib o‘tgan.

Shuningdek, Sardor Umrzoqov Erdo‘g‘an bilan «Mening birinchi uyim, birinchi ish joyim loyihasi» ijtimoiy loyihasi binosining qurilishiga tamal toshi qo‘yish marosimida qatnashdi.