Turkiy davlatlar tashkiloti transport vazirlari Toshkentda yig‘iladi

27-28 oktabr kunlari Toshkent shahrida Turkiy davlatlar tashkiloti transport vazirlari majlisi bo‘lib o‘tadi.

Foto: AP

Majlisda tashkilotga a’zo davlatlar vakillari o‘zaro hamkorlikda xalqaro yuk tashuvlari jarayonlarini yanada rivojlantirish, mintaqa tranzit salohiyatini oshirish, muqobil transport yo‘nalishlarini rivojlantirish bilan bog‘liq masalalarni muhokama qiladi.

Tadbir doirasida Turkiy davlatlar tashkilotiga a’zo mamlakatlar temiryo‘l ma’muriyatlari birinchi uchrashuvi hamda TDTga a’zo davlatlar portlari rahbarlari beshinchi uchrashuvi o‘tkaziladi.

Yig‘ilish yakunlari bo‘yicha Turkiy davlatlar tashkilotiga a’zo davlatlar o‘rtasida xalqaro aralash yuk tashish to‘g‘risida bitim va transport sohasida o‘zaro bog‘liqlik dasturi kabi hujjatlar kelishib olinadi.

TDT sammiti joriy yil 11 noyabr kuni Samarqand shahrida bo‘lib o‘tadi.