«Chevrolet Onix – eng yuqori standartlarga javob beradigan zamonaviy avtomobil. O‘zbekistonda ishlab chiqarilishidan ancha oldin mashhur bo‘lgan barcha kutgan avtomobil. Yangi model yorqin dizayn, zamonaviy interer hamda qulaylik va xavfsizlik uchun barcha zarur opsiyalarni o‘zida mujassamlashtiradi», – deb ta’kidlaydi UzAuto Motors Bosh direktori Bo Inge Andersson.
Chevrolet Onix avtomobilining taqdim etilayotgan komplektatsiyalari xaridorlarga o‘zi uchun qulay bo‘lgan «aynan o‘sha» avtomobilni tanlash imkoniyatini beradi.
Avtomobillar komplektatsiyasiga qarab 2 turdagi dvigatel bilan taqdim etiladi:
- 1,2 litrli 132 ot kuchiga ega turbo dvigatel hamda 6 pog‘onali avtomat uzatmalar qutisi bilan jihozlangan;
- 1,2 litrli 90 ot kuchiga ega atmosferali dvigatel 5 pog‘onali mexanik uzatmalar qutisi bilan jihozlangan.
Avtomobil 10,9 soniyada 100 km/soat tezlikka erishadi, shu bilan birga aralash silkda 100 km uchun faqat 5,9 l va shahar tashqarisidagi yo‘lda 4,7 l sarflaydi.
Zamonaviy dizayn
Avtomobil zamonaviy dizayn va qulaylik bilan birga xavfsizlik bo‘yicha eng ilg‘or zamonaviy texnologiyalarni ham taqdim etadi. 5 o‘rindiqli ushbu sedan sayohatlar uchun xoh u oilaviy, xoh do‘stlar orasida yoki xizmat safari bilan shaylangan xodim bo‘lsin umuman, barcha-barcha uchun ham birdek ideal.
O‘zining yorqin ko‘rinishi bilan Chevrolet Onix yo‘llarda alohida taassurot uyg‘otib, qulay haydashni kafolatlaydi. Chevrolet Malibu avtomobili bilan o‘xshashligi yuqori toifadagi avtomobillardan qolishmaydigan mustahkam va zamonaviy tashqi ko‘rinish beradi.
UzAuto Motors kompaniyasining Bosh direktori Bo Andersson: «O‘zgacha dadil eksterer va yuqori texnologiyali interer dizayni o‘rta darajadagi avtomobil qanday bo‘lishi mumkinligi haqidagi tasavvurni o‘zgartiradi. Bu zamonaviy dizayn o‘zgacha bir katta bo‘lishi shart emasligini namoyish etadi», – deya qayd etdi.
Futuristik yoritish texnikasi yon atrofdagilarning e’tiborini jalb etadi. Bu hech bir avtomobil ixlosmandlarini befarq qoldirmaydi.
Kuzovdagi gorizontal chiziqlar avtomobilning zamonaviy dizayn uslubiga ega ekanligiga urg‘u beradi. Ular diod optika yorug‘lik elementlari bilan birgalikda avtomobilga yorqin va taniqli ko‘rinish beradi, mukammal ishlangan kunduzgi diod optikasi esa Onix'ni kecha-yu kunduz ko‘zga tashlanadigan qiladi.
