Tadbir davomida JST bilan ishlash bo‘yicha idoralararo komissiya rahbari topshiriqlari ijrosi holati, tashkilotga a’zo davlatlar bilan ikki tomonlama muzokaralarni yakunlashni jadallashtirish chora-tadbirlari, mavzuga oid ishchi guruhlari rahbarlarining hisobotlari tinglandi.
Ayni bosqichda vazirlik va idoralar JSTga a’zo davlatlar tovar va xizmatlar bozoriga chiqish bo‘yicha yangilangan takliflari asosida qo‘shimcha muzokaralar pozitsiyalarini ishlab chiqish jarayonini jadallashtirish zarurligi ta’kidlandi.
JSTga a’zo davlatlar bilan tovar va xizmatlar bozoriga chiqish bo‘yicha ikki tomonlama muzokaralar navbatdagi raundlarini, avval erishilgan kelishuvlarni o‘z vaqtida amalga oshirish yuzasidan tashkilot kotibiyati bilan maslahatlashuvlarni o‘tkazish doirasida aniq vazifalar belgilandi.
Yig‘ilish yakuniga ko‘ra, tematik ishchi guruhlarga kun tartibidagi tegishli yo‘nalishlar bo‘yicha har hafta amaliy seminarlar o‘tkazish hamda respublika JSTga kirishi jarayonida keyingi muzokaralarni sifatli tashkil etishga doir takliflar ishlab chiqish topshirildi.
