24 dekabr kuni bosh prokuror Nig‘matulla Yo‘ldoshevning buyrug‘iga asosan adliya polkovnigi Xolboyev Otabek Akbarovich O‘zbekiston harbiy prokurorining birinchi o‘rinbosari lavozimiga tayinlandi.
Bosh prokuratura matbuot xizmatining ma’lum qilishicha, Otabek Xolboyev tayinlovga qadar Toshkent harbiy prokurori lavozimida ishlagan.
Shuningdek, Bosh prokurorning buyrug‘iga asosan adliya podpolkovnigi Isroilov Qahramon Anvarovich O‘zbekiston harbiy prokurorining o‘rinbosari lavozimiga tayinlandi.
Qahramon Isroilov tayinlovga qadar Navoiy harbiy prokurori lavozimida ishlagan.
Toshkent shahar prokurori Qosimov Ulug‘bek Berdiqobilovichga prezident farmoni asosida 3-darajali Davlat adliya maslahatchisi maxsus unvoni berildi.
Eslatib o‘tamiz, kecha, 23 dekabr kuni harbiy prokuror Botir Qudratxo‘jayev prezident Shavkat Mirziyoyevga sohada qilingan ishlar haqida hisobot bergan edi. Qudratxo‘jayev bu lavozimga noyabr oyi boshida tayinlangan.
