Poyezd urib ketishi tufayli 17 yoshli o‘smir vafot etdi

Toshkent - Salar temiryo‘l bekatlari oralig‘ida poyezd urib ketishi oqibatida 2005 yilda tug‘ilgan voyaga yetmagan shaxs vafot etdi. Ma’lumotlarga ko‘ra, u bekatdan quloqchin taqib, qo‘l telefonida musiqa tinglab o‘tib ketayotgan bo‘lgan.

Foto: Videodan kadr

IIV matbuot xizmatining xabar berishicha, 20 dekabr kuni soat 17:37 da Toshkent — Salar temiryo‘l bekatlari oralig‘ining 3365-km 5−6-to‘siqlari orasida mashinist boshqaruvida bo‘lgan yo‘lovchi poyezdi 2005 yilda tug‘ilgan, 17 yoshli voyaga yetmagan shaxsni urib ketgan.

Hodisa joyi o‘rganilganda hudud temiryo‘lning fuqarolar kesib o‘tishi taqiqlangan joy ekani aniqlangan. Qayd etilishicha, bola temiryo‘lning belgilanmagan qismidan qulog‘iga quloqchin taqib, qo‘l telefonida musiqa tinglab o‘tib ketayotgan bo‘lgan.