63 mlrd so‘mdan ziyod mablag‘ni talon-toroj qilishda gumonlangan 45 nafar sudlanuvchining aksariyatiga ozodlikdan mahrum qilish bilan bog‘liq jazo tayinlangan, shaharning sobiq hokimi Bahrom Haydarov 10 yil, sobiq prokuror Qurbonali Asqarov esa 10 yil 6 oy muddatga ozodlikdan mahrum etilgan. Bahrom Haydarovga bazaviy hisoblash miqdorining 350 baravari, ya’ni 85 mln 750 ming so‘m jarima jazosi ham tayinlangan.
Tergov davomida jinoiy guruh tomonidan o‘marilgan 67 mlrd so‘m mablag‘ning 16 mlrd so‘m qismi pullar ko‘rinishida va 10 mlrd so‘m qismi ko‘chmas mulk, jumladan, Tashkent cityʼdagi yangi xonadonlar, xorijiy avtomashinalar va tilla taqinchoqlar ko‘rinishida davlat hisobiga undirilgan.
Zararning qolgan qismini sudlanuvchilardan solidar tartibda undirish belgilangan.
