«Quruq gap bilan, yolg‘on svodka bilan pastga tushmagani uchun noinsofni ishdan oldim» - Prezident Ortiqxo‘jayev haqida
Shavkat Mirziyoyev Toshkent shahri hokimi Jahongir Ortiqxo‘jayevni lavozimidan ozod etganiga tushuntirish berdi.

Foto: Prezident matbuot xizmati
Shavkat Mirziyoyev energiya ta’minoti masalalariga bag‘ishlangan yig‘ilishda Toshkent shahri hokimi Jahongir Ortiqxo‘jayevni lavozimidan ozod etganiga tushuntirish berdi.
«Aholimiz tabiiy gaz va elektr ta’minoti, kommunal xizmatlari sifatidan jiddiy e’tirozlarini bildiryapti. Buni barchamiz ko‘rib turibmiz.
Ayniqsa, Toshkent shahrining barcha darajadagi rahbarlarining bugungi holatga tayyor emasligini men o‘zim ham ko‘rib turibman, xalqimiz ham ko‘rib turibdi.
Hozirgi kunda poytaxtda kunlik 3 mln kilovatt cheklov o‘rnatilgani, 6 mingga yaqin ulgurji iste’molchilar gaz tarmog‘idan uzilganiga qaramay, 120 ta mahallada elektr va gaz ta’minotida uzilishlar bo‘ldi. 584 ta mahalladan 120 tasida mana shunday muammolar bo‘ldi.
Birgina 15 yanvar kuni Toshkent shahridagi yettita yuqori va 524 ta past kuchlanishli transformator hamda 87 ta transformator ortiqcha yuklamalarga bardosh berolmay ishdan chiqdi. Ayniqsa Yunusobod, Mirzo Ulug‘bek va Uchtepa tumanlarida bir kunda yuzga yaqin avariya bo‘ldi.
Nega poytaxtda shunday bo‘ldi? Nega oldindan tayyorgarlik qilmadik? Shuncha gap gapirganimizga qaramay, Vazirlar Mahkamasi qayerga qaragan degan savol meni qiynayapti», degan prezident.
Shundan so‘ng davlat rahbari Toshkent shahri hokimi ishdan olinishi tafsilotlariga to‘xtab o‘tilgan.
«Qish mavsumiga lozim tayyorgarlik qilmagani uchun Toshkent shahri hokimi Ortiqxo‘jayevni kechasi shtabda ishdan oldim. Quruq gap bilan, yolg‘on «svodka» bilan pastga tushmagani uchun, noinsof, oyog‘i yerdan uzilgani uchun uni ishdan oldim», — dedi prezident.
Shuningdek, Yunusobod tumani hokimi Abduvaliyev, Mirzo Ulug‘bek tumani hokimi Ergashev hamda Uchtepa tumani hokimi Abdullayevga oxirgi marta hayfsan berilishi aytib o‘tilgan.
Jahongir Ortiqxo‘jayev 2018 yil aprelidan buyon Toshkent shahriga rahbarlik qilib kelayotgandi. Endi uning o‘rnini vaqtinchalikka birinchi o‘rinbosari Baxtiyor Rahmonov egallab turadi.
Tavsiya etamiz
Zelenskiydan mamnun, Rossiya zarbalaridan hafsalasi pir bo‘lgan. Trampning oxirgi bayonotlaridan asosiy gaplar
Jahon | 16:21 / 28.04.2025
Turkiyalik erkak operatsiyadan keyin ona tilini unutib, boshqa tilda gapirishni boshladi
Jahon | 19:42 / 27.04.2025
Havo isib ketishi va qurg‘oqchilikka tayyor turishimiz kerak – Erkin Abdulahatov
O‘zbekiston | 15:55 / 26.04.2025
Muddat qo‘yuvchi Tramp: buning oxiri bormi?
Jahon | 22:09 / 24.04.2025
So‘nggi yangiliklar
-
Uch oyda qancha ayolga himoya orderi berilgani ma’lum qilindi
O‘zbekiston | 09:46
-
Rossiyada 2008 yildan beri eng yuqori kadrlar tanqisligi qayd etildi
Jahon | 09:40
-
AQSh sudi: "Ozodlik radiosi" 12 mln dollar olishi kerak
Jahon | 09:33
-
Qamchiq dovonida “Vaz-2106” avtomobili xandaqqa tushib ketdi
Jamiyat | 08:50
Mavzuga oid

20:17 / 27.12.2024
Uchta viloyatda «bulutli» ma’lumotlar markazi ishga tushiriladi

07:50 / 27.12.2024
O‘zbekiston prezidentining Rossiyaga amaliy tashrifi yakunlandi

20:15 / 26.12.2024
Mirziyoyev: YeOII davlatlari fuqarolariga ichki hujjatlari bilan O‘zbekistonga kirish imkonini berishga tayyormiz

21:19 / 21.12.2024