Rossiyaning ehtimoliy «josuslik kemasi»: Belgiya tergov boshladi

Belgiya 2022 yil noyabrida o‘z qirg‘og‘ida Rossiyaning josuslik kemasi aniqlangani munosabati bilan tergov boshladi. 21 fevral, seshanba kuni Shimoliy dengiz masalalari bo‘yicha vaziri Vinsent Van Kvikenborn «Rossiya kemasining asl maqsadini bilmaymiz, ammo sodda bo‘lish ham kerak emas», dedi.

Kema Belgiya shamol stansiyalari, suvosti quvurlari va axborot uzatish kabellari, boshqa muhim infratuzilma yaqinida «shubhali harakatlar» amalga oshirgan, dedi vazir. Uning so‘zlariga ko‘ra, kemada avtomatik identifikatsiya tizimining qurilmasi o‘chirilgan, u esa tegishli organlarga kemani aniqlash va uning joylashuvini aniqlash imkonini beradi.

Belgiya tomoni Shimoliy dengizning boshqa davlatlari bilan yaqindan hamkorlik qilmoqda, deya qo‘shimcha qildi Van Kvikenborn. Kemaning harakatini «albatta Ukrainadagi urushning kengroq kontekstida ko‘rish kerak», dedi u.

Rossiya harbiylari qo‘shni davlatga bostirib kirganidan so‘ng, NATOga a’zo davlatlar o‘z mudofaasini, jumladan, suvosti sabotaj harakatlaridan himoyalanish choralarini kuchaytirdi. Yanvar oyida Yevropa Ittifoqi va Shimoliy Atlantika alyansi davlatlari muhim infratuzilmani himoya qilish bo‘yicha qo‘shma ishchi guruh tuzdi.