Parij orzusi Myunxenda sindirildi. YeÇLda kun öyinlari

Şunga qaramay Galte pressing va’da qildi va u hamda şu kuni juda işonçli öyin körsatgan Zommer — yorqin birinçi bölimni taqdim etişdi. Vitinyaning zarbasini esa darvoza çiziği ustida de Ligt töxtatib qoldi, boşqa vaziyatda Deyvis ham Messi hujumni yakunlaşiga yöl qöymadi. Bularning bari YeÇL hit-paradiga kiradi. 

Birinçi 45 daqiqalikda parijliklar darvozasi qarşisida esa bunday xavfli vaziyatlar yuzaga kelmadi. Lekin ötgan şanba kuni «Nant» bilan uçraşuvni soğligidagi muammo tufayli oxirigaça yakunlay olmagan Markinos bu öyinda birinçi bölimdayoq almaştirildi va markaziy himoyaçilar uçligida birgina Serxio Ramos şu amplua futbolçisi bölib qoldi. Qolaversa, zaxira örindiğidan şoşilinç çaqirilgan Mukiyele ham ikkinçi bölimga qayta olmadi va örnini 17 yoşli Bitşiabuga böşatib berdi.

Mezbonlar boş murabbiyi Yulian Nagelsmann esa darhol raqibdagi zaif nuqtani payqadi va tanaffusdan  keyin «Bavariya» qotil rejimini yoqdi. Dastlab Şupo-Moting jamoa öyinidan ajralib qoldi va zarba yölida paydo bölgani uçun gol bölmay qoldi. Lekin hal qiluvçi vaziyatda — Goretska va Myuller pressing bilan Verrattini xato qilişga majbur qilişganida — kamerunlik futbolçi sobiq jamoasini ayamadi.

Serxio Ramosning boş bilan yöllagan zarbasini qaytargan Zommer esa jarohatlangan Noyyer örniga nega aynan uni tanlaşganini körsatib qöydi. Nemis jamoasi himoyaçilari «PSJ» tarixidagi eng yaxşi töpurar Mbappeni qurolsizlantirişdi. Diskvalifikatsiyaga uçragan Pavar örniga esa qanotda Joau Kanselu emas, faqat sönggi uç öyinda boşlanğiç tarkibda öynagan Stanişiç tuşirildi.

Gnabri öyin oxirida ikkinçi golni urdi. «Bavariya» bu mavsumda «PSJ», «Barselona» va «Inter» bilan ikki martadan öynab, töp ötkazmadi. YeÇLda faqat «Viktoriya Plzen» myunxenliklar darvozasini işğol etişni uddalagan.

Şu tariqa, «PSJ», Qatar millionlari va Çempionlar ligasi haqidagi povestning yangi sahifasi yozildi. Yangisi uçun kim olinadi? Luiş Kampuş rahbariyatni Galtega işonişda davom etişga işontiradimi? Yoki baribir Zinedin Zidan keladimi? Aftidan, Fransiyaning eng yaxşi jamoasini undan boşqasi eplay olmaydi.

«Bavariya» yana Parij orzusini oyoqosti qildi. Va gap Neymarning jarohatida emas.

«Şporlar» 180 daqiqa davomida qizil-qoralar darvozasiga bitta ham gol ura olişmadi

Tottenhem — Milan 0:0
Tottenhem – Forster, Emerson (Rişarlison, 70), Devis, Langle, Romero, Perişiç (Porro, 53), Hyoyberg, Kulusevski (Sançes, 83), Skipp, Son, Keyn.
Milan – Menyan, Tomori, Tiav, Kalulu, Ernandes, Kruniç, Dias (Binnosir, 81), Tonali, Messias (Salemakers, 56), Jiru (Origi, 81), Leau (Rebiç, 89).
Ogohlantirişlar: Romero (17), Langle (21), Tiav (90+3), Skipp (90+5).
Çetlatiş: Romero (78).
Birinçi öyin — 0:1.

«Milan» Çempionlar ligasi çorakfinallarida 11 yildan buyon köriniş bermagan. Bu vaqt davomda Yevropa futbolining bir zamonlardagi grandi boşqaruvida ön nafar boş murabbiy işladi, Zlatan Ibrahimoviç esa ketib, boşqa uç klubda öynab, ortga qaytib kelişga ulgurdi. «Milan» oldingi uluğvorligiga qaytiş uçun hali yana köp vaqt kerak, ammo, qizil-qoralar çorşanba oqşomidagi öyinda bu yönalişda muhim oraliq qadamni taşladi. Italyanlar qarşisidagi oddiy vazifa turgandi: ötgan haftada «Vulverhempton»ga ham, «Şeffild Yunayted»ga ham gol ura olmagan jamoaga yutqazmaslik.

Şunga qaramay, «Tottenhem» baribir xavfli edi. Joriy mavsumda bu Angliyadagi «katta oltilik»ning eng beqaror jamoasi bölmoqda: klub yetakçilardan birini osonlik bilan yengişi, uning ortidan autsayderga yutqazişi mumkin. Şuning uçun Stefano Pioli jamoaning sönggi natijalariga çalğimasligi talab etilardi.

Antonio Konte nihoyat soğligidagi muammolarni yengib ötdi va «Tottenhem» zaxira örindiğiga qaytdi, ammo tarkibda jiddiy özgarişlarga qöl urmadi. Pioli esa yana «şporlar» öyiniga moslaşib alohida reja tayyorladi — agar «San-Siro»da u Kerga faqat Keynni qöriqlaşni buyurgan bölsa, bu safar gibrid sxemaga ötdi.

Pioliga köp jihatdan Menyan soğaygani yordam berdi. «Milan»ning asosiy darvozaboni oğir jarohat tufayli sentabrdan buyon öynamayotgandi, ammo fevral oxirida u safga qaytdi va murabbiylar ştabi endi fransuz posbonining kuçli tomonlaridan foydalanişi mumkin. Menyan oyoq bilan juda yaxşi öynaydi, har ikkisi bilan ham, şuning uçun «Tottenhem»ga qarşi öyinda u himoyaçi rolini ham bajardi. Darvozabon doimiy ravişda jarima maydoni taşqarisida töp bilan paydo böldi va şeriklariga uzun uzatmalar yetkazib berdi. Yakunda Menyan «Milan» tarkibida eng köp uzatma olgan futbolçilar uçligidan joy oldi.

«Milan» darvozabon manyovrlari hisobiga futbolçilar joylaşuvini ham tez-tez özgartira oldi — hujum boşlanişida himoya törtlik liniyasida saf tortdi, töpsiz holatda esa mehmonlar «Tottenhem»ning 3-4-3 sxemasini takrorladi.

Mehmonlar taktikasi iş berdi. Birinçi öyinda milanliklar 1:0 hisobida ğalaba qozongandi, şu tufayli javob öyinida ulardan birinçi navbatda «Tottenhem»ni tiyib turiş talab etilardi. Mehmonlar birinçi bölimda öyin sur’atini nazorat qilişdi, natijada tanaffusga qadar darvozalar oldida golli vaziyatlar deyarli bölmadi. Faqat Emerson va Messias bir martadan xavfli vaziyatlar yaratişdi.

«Milan»ning bunday harakati tuşunarli edi, çunki vaqt şu jamoa foydasiga işlardi, «Tottenem» esa juda noaniq öyin körsatdi. 23-daqiqadan 60-daqiqagaça londonliklar darvoza sohasi tomon birorta aniq zarba yöllamadi — na pozitsion hujum, na qarşi hujumlar va na standartlardan naf böldi. Faqat Pedro Porro zaxiradan tuşişi öyinni jonlantirdi — ispaniyalik futbolçi «Vulverhempton»ga qarşi yorqin öyindan keyin ham zaxirada qoldirilgani tuşunarsiz, ammo u bu öyinda ham 60-daqiqadan keyin qanotda faol harakat qildi.

Konte özining sevimli 3-X-X blokini öyin davomida ham deyarli özgartirmaydi, ammo bu safar vaziyat majbur qildi: 70-daqiqadan boşlab «Tottenhem» safida hujum çiziğining asosiy tört vakili maydonda edi — Keyn, Son Xin Min, Kulusevski va Rişarlison. Şu bilan birga bu joylaşuv 4-2-4 ni ham eslatardi. Ikkinçi bölimda «Tottenhem» töpga egalik qiliş böyiça taşabbusni qölga olişi mantiqiy edi, faqat «Milan» raqib hujumlarining aksarini osonlikça yöqqa çiqardi. «Şporlar» Konte davrida qarşi hujumda öynaşni yaxşi özlaştirgan, lekin yaxşi uyuştirilgan mudofaani qanday buzib ötişni bilişmaydi.

Bunday öyinni xotirjam yakunlaşning imkoni bölmadi — 78-daqiqada Romeroning asablari doş bermadi, vaziyatlardan birida u Teo Ernandesga qarşi qöpollik qilib, özi jarohat oldi, yetmaganiga hakam unga ikkinçi sariq kartoçkani körsatdi. Kamçilik bölib qolgan «Tottenhem»da öyinni qutqariş uçun imkoniyat yanada kamaydi, ammo jamoa baribir bir yaxşi standart vaziyat uçun kuç topa oldi — qöşib berilgan uçinçi daqiqada Keyn özining eng yaxşi qobiliyatini yodga oldi va boş bilan gol urişi mumkin edi, ammo Menyan öz vaqtida sakrab xavfni bartaraf etdi.

Öyin golsiz yakunlandi, ikki öyin natijasiga köra «Milan» yurişini davom ettiradi. Va kimdadir bu jamoa keyingi bosqiçga haqli emas degan tasavvur uyğongani dargumon.