«Sutka davomida askarlarimiz frontning ko‘rsatilgan hududlarida dushmanning 60 dan ortiq hujumini qaytardi», — deyiladi xabarda.
O‘z navbatida, Ukraina aviatsiyasi bir kunda Rossiya harbiylarining shaxsiy tarkibi va zenit-raketa tizimiga 5 ta zarba berdi, dushmanning 4 ta uchuvchisiz samolyoti urib tushirildi (2 tasi «Orlan-10» tipidagi, 1 ta «Eleron» razvedka droni hamda 1 ta «Lanset» kamikadze droni).
Buyuk Britaniya Mudofaa vazirligi Twitter'da e’lon qilgan xulosada aytilishicha, o‘tgan haftada Rossiya Donetsk viloyatidagi Marinka atrofida bronetank (tanklar va o‘ziyurar artilleriya) hujumlarini kuchaytirgan.
Donetskdan 20 kilometr janubi-g‘arbda joylashgan shahar uchun janglar 2014 yildan beri davom etmoqda va u artilleriya o‘qlaridan «to‘liq» vayron qilingan, deb yozadi razvedka.
Shu bilan birga, Marinka, ta’kidlanganidek, Donetskka yaqinlashish yo‘nalishlari hamda N15 asosiy yo‘li ustidan nazoratni ta’minlaydi.
