Drift shou: hayajon, drayv va unutilmas taassurotlar

Food city hududida Adrenaline Rush homiyligidagi drayv va hayajonga boy ajoyib tadbirlardan biri — Drift shou bo‘lib o‘tdi. Dam olish kunlari, ya’ni, mayning 13-14 sanalarida o‘tkazilgan ushbu shou ko‘plab avtoishqibozlarni bir yerga jamladi. Va Food city majmuasi hududida avtodvigatellarning gurillagan ovozi yangrab, yon-atrofga qizigan kauchuk hidi taraldi. Hayajonli damlarni sog‘ingan avtosport ixlosmandlarining esa hayqiriqlari tinmadi.

Adrenaline Rush tashabbusi bilan tashkil etilgan an’anaviy drift shouda bu gal 600 nafardan ziyod haydovchi va 50 ming nafarga yaqin tomoshabin ishtirok etdi.

Drift yo‘nalishida 20 nafar mahalliy va 45 nafar MDH davlatlaridan kelgan haydovchi o‘zaro bellashdi. Shiddatli kechgan shou nafaqat sportchilar, balki muxlislarga ham adrenalinga boy unutilmas onlarni taqdim etgani aniq.

Tadbirda faqat driftlar bilan cheklanib qolingani yo‘q, albatta. Shouga tashrif buyurganlar 150 dan ortiq tyuning avtomobil, 60 ga yaqin mototsikl, hamda 40 dan ortiq retro mashinalardan iborat yirik ko‘rgazma bilan ham tanishishdi.

Reklama huquqi asosida