O‘zbekiston | 09:36 / 04.06.2023
9718
1 daqiqa o‘qiladi

Nukus voqealari bo‘yicha apellyatsiya sudi hukmi 5 iyun kuni e’lon qilinadi

Foto: Oliy sud

5 iyun kuni soat 15:00 da Oliy sudining Jinoyat ishlari bo‘yicha sudlov hay’ati 2022 yil 1−2 iyul kunlari Qoraqalpog‘istonda sodir bo‘lgan voqealar bo‘yicha jinoyat ishi bo‘yicha birinchi sud jarayoni yuzasidan 16 nafar mahkumning apellyatsiya shikoyatlari, shuningdek, prokuraturaning shartli hukm chiqarilgan 4 nafar sudlanuvchiga nisbatan protestini ko‘rib chiqishni yakunlab, sud qarorini e’lon qiladi.

29 may kuni sud muzokarasi nihoyasiga yetgan va sudya Askar Bekmanov boshchiligidagi hay’at hukm chiqarish uchun maslahat xonasiga yo‘l olgan edi.

Prokuror 4 nafar ayblanuvchining shartli jazosini real muddatlarga almashtirish, 13 nafar mahkumning jazosini yengillashtirish, ulardan 8 nafarini esa ozod qilishni so‘ragan. Jumladan, prokuratura vakili suddan to‘rt nafar ayblanuvchiga nisbatan shartli jazo va ozodlikni cheklash tarzidagi jazoni real muddatlarga almashtirishni so‘ragan.

Mavzuga oid