O‘zbekiston CAFA Nations Cup finalida. Zaxiradan tushganlar o‘yinni o‘zgartirgan bahsdan fotojamlanma

Bellashuvda bo‘limlar turlicha bo‘ldi. Birinchisi teng kurashlar ostida kechgan bo‘lsa, tanaffusdan so‘ng maydonga tushgan Oston O‘runov, Hojimat Erkinov va Jamshid Iskanderov kabi futbolchilar hujumlar sonini oshirishdi. Aynan zaxiradan tushgan o‘yinchilar Eldorning gollariga assistentlik qilishdi.

E’tiborlisi, Shomurodov O‘zbekiston safidagi gollarini 36taga yetkazib, Maksim Shatskixni (34) ortda qoldirgan holda milliy jamoa tarixidagi eng yaxshi to‘purarga aylandi.

O‘zbekiston guruh bosqichidagi 3-turni 17 iyunda Tojikistonga qarshi o‘tkazadi va bu bahsda katta ehtimol kam o‘ynagan yoki o‘ynamagan futbolchilar sinovdan o‘tkaziladi. Chunki Srechko Katanets shogirdlari guruhda yetakchi bo‘lish masalasini hal qilib ulgurishdi. Final esa 20 iyunda «Bunyodkor» stadionida bo‘lib o‘tadi va unda mezbonlarga V guruhi g‘olibi (Eron yoki Qirg‘iziston) raqiblik qiladi.

Noqulay dim havoda o‘tgan o‘yindan olingan fotosuratlarni tomosha qilishingiz mumkin. 

Hasan Yusupov olgan suratlar