Millatlar Ligasi ikkinchi yarimfinalida Ispaniya Italiyani so‘nggi daqiqalardagi gol evaziga mag‘lub etib, finalga yo‘llanma oldi.
«Qizil furiya» chempionlik uchun 18 iyun kuni Xorvatiyaga qarshi maydonga tushadi. 3-o‘rin uchun esa Italiya Niderlandiya bilan o‘ynaydi.
E’tiborlisi, Ispaniya ushbu turnirda qatorasiga ikkinchi bor finalga chiqdi. Jamoa o‘tgan safargi finalda. Fransiyaga (1:2) yutqazib qo‘ygandi.
Millatlar Ligasi. Yarimfinal
Ispaniya — Italiya 2:1
15 iyun. Niderlandiya
Gollar: Pino (3), Xoselu (88) — Immobile (11, penalti).
Ispaniya – Unai Simon, Navas, Laport, Le Norman, Alba, Merino (Fabian Ruis, 74), Rodri, Pino (Fati, 74), Gavi (Kanales, 68), Rodrigo (Asensio, 46), Morata (Xoselu, 84).
Italiya – Donnarumma, Di Lorenso, Bonuchchi (Darmian, 46), Toloi, Acherbi, Spinatssola (Dimarko, 46), Jorjino (Kristante, 61), Barella, Frattezi (Verratti, 76), Dzanolo, Immobile (Keza, 60).
Ogohlantirishlar: Immobile (38), Alba (45), Gavi (57), Morata (83), Dzanolo (90).