Final oldidan yirik hisob. Derbida Tojikiston tor-mor etilgan o‘yindan fotogalereya

Guruhda muddatidan avval 1-o‘rinni qo‘lga kititib, final masalasini hal qilib ulgurgan O‘zbekiston milliy jamoasi 3-turda Tojikistonga qarshi bahs yuritdi. 

Bellashuvda avvalgi turlarda maydonga tushmagan yoki kam o‘ynagan futbolchilar harakat qildi. Birinchi bo‘limda Parviz Umarboyev jarimadan kiritgan supergoli bilan mehmonlarni hisobda oldinga olib chiqdi. Ikkinchi bo‘limda tarkibda bir qator o‘zgarishlar bilan maydonga chiqqan mezbonlar gollar yomg‘irini yog‘dirishdi. Jasur Yaxshiboyev, Eldor Shomurodov, Abbos Fayzullayev, Hojimat Erkinov va Oston O‘runov o‘z hisoblariga gol yozdirib qo‘yishdi (5:1). 

O‘zbekiston 20 iyun kuni o‘z maydonida o‘tadigan finalda Eron bilan o‘ynaydi. Bellashuv Toshkent vaqti bilan 20:30da boshlanadi.

CAFA Nations Cup
A guruhi. 3-tur. 17 iyun
O‘zbekiston — Tojikiston 5:1
Gollar: Jasur Yaxshiboyev (53), Eldor Shomurodov (56, penalti), Abbos Fayzullayev (72), Hojimat Erkinov (83), Oston O‘runov (90+6, penalti) — Parviz Umarboyev (13). 
O‘zbekiston — Botirali Ergashev, Alibek Davronov, Abduqodir Husanov, Ibrohimxalil Yo‘ldoshev, Jamshid Iskanderov (Eldor Shomurodov, 46), Abdulla Abdullayev (Abbom Fayzullayev, 46), Akmal Mozgovoy, Dilshod Saitov (Hojiakbar Alijonov, 83), Jasur Yaxshiboyev (Oston O‘runov, 73), Bobur Abdixoliqov (Hojimat Erkinov, 73), Jamshid Boltaboyev (Odil Hamrobekov, 46).
Tojikiston — Rustam Yatimov, Zoir Jo‘raboyev, Manuchehr Safarov, Vahdat Hanonov (Sodiq Qurbonov, 65), Parviz Umarboyev (Xolmurod Nazarov, 80), Amir Jo‘raboyev, Alisher Jalilov, Shervoni Mabatshoyev (Nuriddin Hamroqulov, 65), Ehsoni Payshanbe (Komron Tursunov, 80), Axtam Nazarov, Manuchehr Jalilov (Murodali Aknazarov, 87). 
Ogohlantirishlar: Vahdat Hanonov (28), Ibrohim Xalil Yo‘ldoshev (38), Parviz Umarbayev (41), Manuchehr Safarov (42), Ehsoni Payshanbe (59). 

Gollarga boy o‘tgan Markaziy Osiyo derbisidan olingan fotosuratlarni tomosha qilishingiz mumkin. 

Hasan Yusupov olgan suratlar