Foydalanilmayotgan obektlar egalariga oshirilgan soliq stavkasi qo‘llanishi bekor qilinadi

Qonun loyihasi bilan respublikaning 11 ta viloyatidagi 47 ta “sharoiti og‘ir” bo‘lgan tumanlar uchun vaqtinchalik soliq imtiyozlarini berish ko‘zda tutilmoqda. 2025 yil 1 yanvargacha mazkur tumanlarda yangidan tashkil etilgan va faoliyat olib borayotgan tadbirkorlik sub’yektlari uchun aylanmadan olinadigan soliq stavkasi 1 foiz qilib belgilanmoqda.    

Foydalanilmayotgan obektlar egalariga nisbatan mol-mulk va yer solig‘ining oshirilgan stavkalari qo‘llanishini bekor qilish, davlat organlariga, muassasa va tashkilotlariga doimiy foydalanish huquqi bilan ajratilgan va ular tomonidan boshqa tashkilotlarga ijaraga berilgan yerlarni soliqqa tortish tartibini takomillashtirish, yerlardan kadastr hujjatlari mavjud bo‘lmagan yoxud yer uchastkasiga bo‘lgan huquqni tasdiqlovchi hujjatlarda ko‘rsatilganidan kattaroq hajmda foydalanilganda uy-joy egalari uchun uch karra oshirilgan stavkada yer solig‘ini hisoblash tartibi qo‘llanishini to‘xtatib turish nazarda tutilmoqda. 

Elektrotexnika tarmoq korxonalarining ixtisoslashtirilgan markazlarini qo‘llab-quvvatlash orqali innovatsion texnologiyalar joriy etilishini rag‘batlantirish ko‘zda tutilmoqda.

Muhokamalardan keyin qonun loyihasi birinchi o‘qishda konseptual jihatdan qabul qilindi.