Yaponiya O‘zbekistonda yo‘l harakati xavfsizligi sohasida yangi loyihani amalga oshirishi mumkin

O‘zbekiston va Yaponiya o‘rtasida parlamentlararo hamkorlikni rivojlantirish, ikki tomonlama aloqalarni mazmun jihatdan yanada boyitish masalalarini muhokama etish maqsadida Yaponiya Parlamenti Vakillar palatasi deputati Keyji Furuya bilan uchrashuv uyushtirildi, deb xabar bermoqda «Dunyo».

Unda ikki mamlakat o‘rtasidagi siyosiy, savdo-iqtisodiy, madaniy-gumanitar va hududlararo hamkorlikning bugungi holati va ularni rivojlantirishning istiqbollari atroflicha muhokama qilindi.

Shuningdek, axborot texnologiyalari, oziq-ovqat, sog‘liqni saqlash, yo‘l harakati xavfsizligi va hunarmandchilik sohalarida yangi loyihalarni amalga oshirish bilan bog‘liq masalalarga ham alohida e’tibor qaratildi.