2023 yil holatiga ko‘ra, O‘zbekistonda 23 ta Mehribonlik muassasasi faoliyati tugatildi. Shundan, 14 tasi «Mehribonlik uyi», 4 tasi «Bolalar shaharchasi», 5 tasi «Bolalar uyi». Bu haqda Milliy gvardiya rahbariyati ma’lumot berdi.
Qayd qilinishicha, Mehribonlik muassasalaridan 2448 nafar tarbiyalanuvchi chiqarilgan.
Shundan:
– 694 nafari ota-onasi va yaqin qarindoshlariga qaytarilgan, 516 nafari farzandlikka, vasiylikka, homiylikka, patronatga berilgan;
– 753 nafari «Oilaviy bolalar uyi»ga o‘tkazilgan, 211 nafari o‘qishga kirgan (50 nafari oliy, 161 nafari o‘rta-maxsus ta’lim muassasasiga);
– 18 yoshga to‘lgan 118 nafari mustaqil hayotga chiqarilgan, 156 nafari muruvvat, saxovat va boshqa mehribonlik muassasalariga o‘tkazilgan va hisobdan chiqarilgan.
Hozirda 2 ta Mehribonlik muassasasida 255 nafar tarbiyalanuvchi saqlanmoqda.
Faoliyat yuritayotgan jami 138 ta «Oilaviy bolalar uyi»da 744 nafar bola tarbiyalanmoqda.
Sog‘liqni saqlash tizimidagi 13 ta «Go‘daklar uyi»da 531 nafar bola tarbiyalanmoqda.
