O‘zbekiston prezidenti Shavkat Mirziyoyevning «O‘zbekiston Respublikasi mustaqilligining o‘ttiz ikki yilligi munosabati bilan yuqori natijalarga erishgan sportchi va murabbiylardan bir guruhini mukofotlash to‘g‘risida»gi farmoni imzolandi.
Unga ko‘ra, qator bokschilar, dzyudochilar va futbolchilar faxriy unvonlar, orden va medallar bilan taqdirlandi.
Xususan, O‘zbekiston yoshlar va milliy jamoalari a’zolari Umarali Rahmonaliyev, Abbosbek Fayzullayev va Abduqodir Husanovga «Kelajak bunyodkori» medali berilgan.
Farmon matniga ko‘ra, mamlakatda sportni rivojlantirish va keng ommalashtirish, yurtimizning xalqaro maydondagi shon-shuhratini yuksaltirishga qo‘shgan katta hissasi, sport sohasiga qaratilayotgan e’tibor va yaratilgan sharoitlardan samarali foydalangan holda, o‘zining azmu shijoati va yuksak mahorati bilan nufuzli musobaqalarda ulkan natijalarga erishib, Vatanimiz sharafini munosib himoya qilib kelayotgani, aholi o‘rtasida sog‘lom turmush tarzini targ‘ib etish, yoshlarimizni ona yurtga muhabbat va sadoqat, milliy, umumbashariy qadriyatlar ruhida yetuk va barkamol etib tarbiyalash borasidagi alohida xizmatlari uchun quyidagilar mukofotlangan:
«O‘zbekiston Respublikasida xizmat ko‘rsatgan yoshlar murabbiysi» faxriy unvoni bilan
- Maxsitov Baxodir - O‘zbekiston sport tashkilotlari faxriylari kengashi raisi
«O‘zbekiston Respublikasida xizmat ko‘rsatgan sport ustozi» faxriy unvoni bilan
- G‘afurov Davron Dilmuradovich - O‘zbekiston boks federatsiyasi murabbiysi
- Xudayberganov Jamshid Ismailovich - Urganch olimpiya va paralimpiya sport turlariga tayyorlash markazining dzyudo bo‘yicha murabbiysi, Xorazm viloyati
- Yarashov Yergali Abubakirovich - Qibray tumani sport maktabining boks bo‘yicha murabbiysi, Toshkent viloyati
«O‘zbekiston Respublikasida xizmat ko‘rsatgan sportchi» faxriy unvoni bilan
- Abdullayev Ruslan Anvar o‘g‘li - Boks bo‘yicha O‘zbekiston milliy terma jamoasi a’zosi
- Do‘smatov Xasanboy Marfjon o‘g‘li - Boks bo‘yicha O‘zbekiston milliy terma jamoasi a’zosi
- Jalolov Bahodir Isomiddin o‘g‘li - Boks bo‘yicha O‘zbekiston milliy terma jamoasi a’zosi
- Keldiyorova Diyora Baxtiyor qizi - Dzyudo bo‘yicha O‘zbekiston milliy terma jamoasi a’zosi
- Mo‘ydinxo‘jayev Asadxo‘ja Zohidxo‘ja o‘g‘li - Boks bo‘yicha O‘zbekiston milliy terma jamoasi a’zosi
