Uzbekistan Airways Toshkent – Zomin – Samarqand va Samarqand – Zomin – Toshkent yo‘nalishlari bo‘yicha kunlik parvozlarni amalga oshirishni boshladi.
2023 yil 7 sentabrdan boshlab Uzbekistan Airways yangi mahalliy yo‘nalish – Toshkent va Samarqanddan Zominga va ortga qaytuvchi muntazam aviaqatnovlarni yo‘lga qo‘ydi. Eslatib o‘tamiz, 1 sentabr kuni yangi hududiy aeroportning ochilishi munosabati bilan milliy aviatashuvchi tomonidan Zominga yangi reyslarni amalga oshirish imkoni paydo bo‘ldi.
Toshkent va Samarqanddan Zominga aviaqatnovlar har kuni quyidagi jadvalga muvofiq amalga oshiriladi:
- • Toshkentdan jo‘nab ketish 8:30 da, Zominga yetib kelish 9:05 da
- • Zomindan jo‘nab ketish 9:35 da, Samarqandga yetib kelish 10:20 da
- • Samarqanddan jo‘nab ketish 11:20 da, Zominga yetib kelish 12:05 da
- • Zomindan jo‘nab ketish 12:35 da, Toshkentga yetib kelish 13:10 da
Bir tomonlama aviachiptalar narxi 105 000 so‘mdan boshlanadi va aviachiptalarni www.uziarways.com rasmiy sayti, UzAirways ilovasi orqali yoki Uzbekistan Airways Sales filialida xarid qilishingiz mumkin.
Zominga muntazam parvozlar Uzbekistan Airways'ning yangilangan rivojlanish strategiyasida o‘z aksini topgan ichki aviatsiya tarmog‘ini rivojlantirishning yana bir bosqichidir. Ushbu maqsadlar uchun aviakompaniya har xil turdagi uchish-qo‘nish yo‘laklariga qo‘na oladigan LET L-410 rusumli ikkita havo kemasini sotib oldi. Uzbekistan Airways yaqin kelajakda O‘zbekistonning So‘x, Sariosiyo va Zarafshon kabi shaharlariga muntazam reyslar ochishni maqsad qilgan.
Reklama
