ADM Jizzax va Shandong Port Group avtomobil butlovchi qismlarini yetkazish bo‘yicha bitimni imzoladi

7 sentabr kuni, Jizzax erkin iqtisodiy zonasida joylashgan ADM Jizzax avtomobil zavodi va dunyoning eng yirik port operatori bo‘lgan Shandong Port Group o‘rtasida, tantanali ravishda, yuklarni tashish sohasida, hamkorlik bo‘yicha Memorandum imzolandi.

Memorandumda, Xitoydan O‘zbekiston bozoriga, avtomobil butlovchi qismlari va boshqa mahsulotlarni o‘z vaqtida, ishonchli va barqaror yetkazib berilishi nazarda tutilgan.

ADM Jizzax – 2020 yilda Jizzax shahrida tashkil etilgan multibrend avtomobil zavodidir. Ayni paytda, zavod “Kia” va “Chery” avtomobillarini yig‘ishni amalga oshirmoqda. 2024 yildan boshlab zavod o‘z faoliyatini yangi formatda davom ettiradi, unda avtomobillar yig‘ilishi to‘liq jarayoni amalga oshiriladi.

Shandong Port Group Co Ltd 2019 yilning 6 avgustida tashkil etilgan. Kompaniya dunyodagi eng yirik port operatori hisoblanadi. Hozirgi kunda kompaniya biznesning 13 segmentida faoliyatini yuritib kelmoqda: kema yuritish, savdo, logistika, ilm-fan, asbob-uskunalar ishlab chiqarish, xorijdagi rivojlanish, moliyaviy xizmatlar, portlar qurilishi, shahar sanoati integratsiyasi, kruiz madaniyati va turizm, kasbiy ta’lim, tibbiyot va sog‘liqni saqlash va logistik qo‘llab-quvvatlov sohalarida.

Kompaniyalar o‘rtasida bitimning imzolanishi, yuklarni O‘zbekistonga yetkazib berish bo‘yicha samarali tuzilgan yo‘nalishlar orqali amalga oshirilishiga, shuningdek, o‘sib borayotgan o‘tkazuvchanlik, ADM Jizzax zavodi tomonidan ishlab chiqariladigan tovarlarni kutish muddatlari qisqarishiga, hamda kompaniyaning logistika xarajatlari kamayishiga imkon yaratdi.

Reklama