Foto: uww.org
Serbiyada o‘tayotgan sport kurashlari bo‘yicha jahon chempionatida O‘zbekiston terma jamoasi o‘zining ilk medalini qo‘lga kiritdi.
Yunon-rum kurashchimiz Jasurbek Ortiqboyev bronza medaliga sazovor bo‘ldi. -55 kg vazn toifasida kurashgan o‘zbekistonlik polvon 3-o‘rin uchun kechgan bahsda moldovalik Artyom Delenauni 6:1 hisobida dog‘da qoldirdi.
Shu tariqa, Ortiqboyev ketma-ket ikkinchi bor dunyo birinchiligida bronza medaliga ega chiqmoqda.
Eslatib o‘tamiz, bungacha erkin kurashchilarimiz o‘z ishtiroklarini medalsiz yakunlagandi. Faqatgina Jabrail Shapiyev 5-o‘rinni egallab, Parij-2024 Olimpiadasiga yo‘llanmani qo‘lga kiritgandi.
