Isroil va HAMAS örtasidagi vaqtinçalik kelişuv. Bu qaçon va qanday amalga oşiriladi?

Keyinçalik garovdan ozod qilingan har bir guruh uçun boşqa mahbuslar ham qöyib yuborilişi rejalaştirilgan. The Times of Israel naşri yozişiça, garovdan qutqarilgan har ön kişi uçun Ğazo sektoridagi harbiy harakatlarni töxtatib turiş ham bir kunga uzaytirilişi mumkin.

Har bir bosqiçda muayyan mahbuslarni ozod etiş böyiça qaror boş vazir Binyamin Netanyahu, mudofaa vaziri Yoav Gallant va harbiy kabinet vaziri Beni Gans tomonidan qabul qilinadi. Palastinliklar asirlikdagi isroilliklar vatanga qaytganidan keyingina qöyib yuboriladi, deb yozadi The Times of Israel.

Isroil hukumati röyxatidagi 300 mahbusdan 287 nafari — erkaklardir. Şu bilan birga, ularning 123 nafarining yoşi 18 dan kiçik. BBC uşbu falastinliklarning qamalişiga sabab bölgan jinoyatlar qatorida qotillikka suiqasd qiliş,  bomba uloqtiriş, portlovçi yoki yonuvçi moddalar tayyorlaş, toş uloqtiriş, duşmanona taşkilotlar bilan aloqalar, oğir tan jarohati yetkaziş va millatçilik ruhida adovat qözğaş kabilarni sanagan.

Isroil armiyasining «Kan» radiosida aniqlik kiritilişiça, bu mahbuslarning köpçiligi sönggi oylarda qölga olingan, ularning köpçiligining hali sudi ham bölmagan. Ularning aksari — Iordan daryosining ğarbiy sohilidan, faqat beş nafari — Ğazo sektoridan.

Ğazoda tört kunga öt oçişni töxtatiş rejimi örnatiladi

Avvaliga öt oçişni vaqtinça töxtatiş rejimi mahalliy vaqt bilan 23 noyabr kuni soat 10 da boşlanişi aytilgandi.

Keyinroq CNN isroillik mulozimga tayangan holda, öt oçişni töxtatiş rejimi 24 noyabrdan oldin joriy etilmasligini xabar qildi.

Isroil milliy xavfsizlik kengaşidagilar ham garovdagilarni ozod etiş 24 noyabrga qoldirilganini e’lon qilgan.

Jarayon keçikayotgani sababi ma’lum emas. OAVga köra, isroillik rasmiylar kelişuvning hali yakunlanmagan «kiçik tafsilotlari» borligi haqida aytişgan.

Qatar TIV öt oçişni töxtatiş rejimining aniq vaqti «yaqin soatlar içida» e’lon qilinişini bildirgan.

Sulh doirasida tomonlar Ğazoda harbiy harakatlarni tört kunga töxtatiş böyiça kelişib olgan. Bu vaqtda anklavga insonparvarlik yordami va yonilği ortilgan yuk maşinalari kirişiga ruxsat beriladi. Isroildagi «Yediot Axronot» gazetasi yozişiça, Ğazoga har kuni yonilği yuklangan sakkizta yuk maşinasi hamda insonparvarlik yordami ortilgan 200 ta fura kirişi mumkin böladi, Isroil esa olti soat davomida razvedka ma’lumotlari yiğişni töxtatadi.

Bundan taşqari, kelişuv anklav janubi ustidan dronlar uçişini taqiqlaşni nazarda tutadi, şimolda esa bunday qurilmalar parvozlari har kuni faqat soat 10:00 dan soat 16:00 ga qadar amalga oşirilişi mumkin böladi. Noyabr oyi boşida Reuters va The New York Times AQŞ Ğazo sektori janubida uçayotgan razvedkaçi dronlar orqali garovdagilar qayerda uşlab turilganini aniqlaşga harakat qilayotgani haqida yozgandi.

Kelişuv Qatar, Misr v AQŞ vositaçiligida tuzilgan

Kelişuv Isroil hukumati tomonidan ma’qullanganidan köp vaqt ötmay, u haqda Qatar taşqi işlar vazirligi e’lon qildi. Vazirlik bayonotida aytilişiça, kelişuv amalga oşirilişining keyingi bosqiçlarida garovdan ozod etiladiganlar soni oşiriladi. Gumanitar pauza boşlaniş vaqti yaqin vaqtlar içida e’lon qilinadi; u uzaytirilişi mumkin.

HAMAS siyosiy qanoti vakili Abu Marzuq Qatarning «Al-Jazira» telekanaliga bergan intervyusida sulh mahalliy vaqt bilan 23 noyabr kuni soat 10 da boşlanişini aytgandi.

Şuningdek, Misr va AQŞ vositaçilar sifatida iştirok etgan. Oq uydagilar, AQŞ hamkorlar bilan birgalikda erişilgan kelişuvni olqişlaşi, ammo garovdagi qolgan kişilarning ham ozod etilişi eng muhim vazifa bölib qolayotganini bildirgan. «Uşbu kelişuv muhim ilgarilaş hisoblansa-da, HAMAS Ğazo sektorida garovdagilarni uşlab turar ekan, biz xotirjam böla olmaymiz», — deyilgan AQŞ davlat kotibi Entoni Blinkenning bayonotida.