O‘zbekiston TIV rahbarining o‘rinbosari Italiya elchisi bilan uchrashdi.
O‘zbekiston tashqi ishlar vazirining o‘rinbosari Muzaffar Madrahimov Italiya elchisi Agostino Pinna bilan uchrashdi.
TIV ma’lumotiga ko‘ra, O‘zbekiston va Italiya o‘rtasidagi strategik sheriklik va ko‘p qirrali hamkorlik munosabatlarini o‘zaro manfaatli yo‘nalishlarda yanada mustahkamlash yuzasidan fikr almashildi. Oliy darajadagi muzokaralar doirasida erishilgan barcha kelishuvlarni amalga oshirilish jarayoniga alohida e’tibor qaratildi.
Iqtisodiy diplomatiyani faol ilgari surish, hududlararo hamkorlikni kengaytirish, parlamentlararo muloqotni rivojlantirish, ko‘p tomonlama tuzilmalar doirasidagi munosabatlarni faollashtirish bo‘yicha qo‘shma chora-tadbirlar muhokama qilindi.
Tomonlar turli daraja va shakllardagi qo‘shma tadbirlarni tashkil etish bo‘yicha takliflarni ham ko‘rib chiqdi.
