«Real» raqibni yiğlatdi, APLda esa poyga davom etadi. Kun öyinlari

«Mançester Siti» birinçi öringa çiqdi, ammo bu örinni faqat ikki soatdan ortiqroq vaqt davomida saqlab turdi. Lekin «Liverpul»ning öyini ham oson keçmadi. Bir tomondan, «Byornli»ni bir neça bor qutqargan Trafford çiqişda qöpol xatoga yöl qöyib, öz himoyaçisi bilan töqnaşib ketdi va Dioga Jotaga gol taqdim etdi. Boşqa tomondan — «Byornli» tanaffus arafasida hisobni tenglaştirişi uçun bitta burçak zarbasi yetarli böldi.

Yurgen Klopp şogirdlari tanaffusdan qaytiboq yana hisobda oldinga çiqib olişdi. Bunda qizillarning omadi ham keldi, Dias rikoşet orqali kelgan töpni öta qiyin holatda turib bölsa ham boş bilan darvoza töriga aniq yönaltirdi. Keyin yana ikki holatda «Liverpul»ga omad kulib  boqdi, Fofana va Odober bir neça daqiqa vaqt oraliğida qulay vaziyatlarni yöqqa çiqarişdi. Birinçi zarbani Kelleher qaytardi, yana bir yakkama-yakka vaziyatda mehmonlar vakiliga aniqlik yetişmadi. «Enfild» faqat Elliotning ikkinçi golli uzatmasi va Nunesning boşda bergan ajoyib zarbasidan keyingina yengil tin oldi.

«Tottenhem» – «Brayton» 2:1
Gollar: 0:1 – 17, penalti Gross, 1:1 – 61 Sarr, 2:1 – 90+6 Jonson.
«Tottenhem» – Vikario, Porro, Romero, van de Ven, Udodji (Heyberg, 80), Meddison, Bentankur (Son Hyong Min, 62), Kulusevski (Bissuma, 63), Sarr (Devis, 80), Verner (Jonson, 62), Rişarlison.
«Brayton» – Stil, Lempti (Baleba, 90), Dank, van Xekke, Estupinyan, Lallana (Fati, 57), Gross, Gilmor (Beyker-Boaytey, 90), Mitoma, Buonanotte (Veltman, 83), Uelbek (Fergyuson, 83).
Ogohlantirişlar: Meddison (35), Sarr (61), Buonanotte (65), Estupinyan (79), Dank (88).

Ikki hujumkor jamoa qarama-qarşi kurslarda keçgan yorqin öyin namoyiş etib berişdi, «Brayton» esa öyinni xuddi mezbondek boşladi. Birinçi hujumda Vikario Uelbekning aylanma zarbasini bir amallab qaytargandi, ikkinçi vaziyatda uşbu forvard jarima maydoni içida Romero tomonidan yiqitilganda, Gross penaltidan hisobni oçdi. «Tottenhem» hujumida esa sönggi öyinlarda golli seriya qayd etgan Rişarlisonning omadi kelmadi. Braziliyalik futbolçi nafaqat qator vaziyatlarni yöqqa çiqardi, jumladan yakkama-yakka vaziyatdan foydalana olmadi, balki Meddison uçun uzatmani juda yomon amalga oşirdi.

London hujum çiziği vakillari uddalay olmagan işni esa odatda raqib öyinini buziş bilan şuğullanuvçi Sarr uddaladi. Haddan taşqari kuçli pressing uyuştirgan va hujumkor öyin namoyiş etgan jamoalar öyinida 3:3 yoki 5:5 körinişidagi durang qayd etilişini ham oddiy qabul qiliş mumkin edi. Amalda esa barçasi boşqaça keçdi va öyin durang bilan yakunlanişga qarab ketayotganida Angelos Postekogluning almaştirişlari iş berdi. Son Hyong Min Jonsonni ajoyib pas bilan ta’minladi va ligada 90-daqiqadan keyin eng köp gol ötkazib yuborgan «şporlar» öyin yakunlanişi arafasida ğalaba golini urişdi.

Ularning öyinini hamon oldindan aytib bölmaydi. Şunçalikki, bu jamoa hisobda ortda borgan öyinlarida 15 tadan köp oçko jamğargan yagona jamoa bölib turibdi. Şu bilan birga londonliklar özi hisobda oldinga borgan öyinlarida 15 oçko yöqotgan. Şanba kungi öyinlarning asosiy yakuni — «Tottenhem» kamida «Aston Villa»ning «MYu»ga qarşi yakşanba kuni keçadigan öyini yakunigaça kuçli törtlikka qaytdi.

Ispaniya: Vinisius va Bellinghemning konserti

«Real» – «Jirona» 4:0
Gollar: 1:0 – 6 Vinisius Junior, 2:0 – 35 Bellinghem, 3:0 – 54 Bellinghem, 4:0 – 61 Rodrigo.
Noaniq penalti: Hoselu, 90.
«Real» – Lunin, Karvahal, Tçuameni, Mendi (Fran Garsiya, 77), Kroos (Modriç, 70), Valverde, Kamavinga, Bellinghem (Braim Dias, 57), Vaskes, Vinisius Junior (Gyuler, 77), Rodrigo (Hoselu, 70).
«Jirona» – Gassaniga, Yan Kouto, Huanpe, Erik Garsiya, Migel Guterres, Aleiş Garsiya, Martin (Solis, 70), Portu (Torre, 46), Tsigankov (Fernandes, 70), Savio, Dovbik (Stuani, 70).
Ogohlantirişlar: Huanpe (21), Yan Kouto (68), Mendi (76).

Ötgan turda «Real Sosiyedad» bilan öyinda «Jirona»ning uç vakili - himoyaçi Blind, yarimhimoyaçi Errera va boş murabbiy Miçel Sançes diskvalifikatsiyaga uçragandi. Ammo madridliklarda ham tarkib borasidagi muammolar saqlanib qolmoqda. Ryudiger safga qaytgani va öyin qaydnomasi kiritilgani aytilgandi, ammo öyin kuni uşbu germaniyalik himoyaçi hali yana ikki hafta davolanişi kerakligi ma’lum böldi.

Ampluasi markaziy himoyaçi bölgan biror futbolçisiz qolgan Karlo Ançelotti esa qanot himoyaçisi Karvaxal hamda tayanç zonasi vakili Tşuameniga işonç bildirdi. Şu bilan birga, oldingi çiziqda Vinisius Junior paydo böldi, u ötgan turda «Atletiko»ga qarşi öyin arafasida çigalyozdi maşqlar çoğida özini noxuş sezgan va öynay olmagandi. Maydonni soğinib qolgan braziliyalik öyin startidayoq ajoyib zarbasi bilan uzoq burçakni aniq nişonga oldi. Keyin esa Vini şvedka uslubidagi pas bilan Bellinghemni qulay vaziyatga çiqardi. Jud bir harakat bilan töpni darvozabon yonidan olib ötdi va ikkinçi teginişda töpni darvozaga joylab, gollari sonini 15 taga yetkazgan holda la liga töpurarlari poygasida Dovbikdan özib ketdi.

Öyin davomida angliyalik futbolçi ön oltinçi golini ham urdi, şundan keyin «Jirona»da amalda imkoniyat qolmadi. Kataloniyaliklar tanaffusdan qaytib bosim uyuştirişdi va Lunin darvozasi oldida tahlikali vaziyat yuzaga keltirişdi, ammo bunga javoban Vinisius uyuştirgan reydni Bellinghem gol bilan yakunladi. «Santiyago Bernabeu» yana «Ey, Jud» qöşiğini kuyladi va öz jamoasi öyinidan bahra olişda davom etdi. Rodrigo esa almaştirilişidan oldinroq öyinga nuqta qöyuvçi golni urdi.

Birinçi davrada bölgani kabi Ançelotti kataloniyaliklarni taktik jihatdan mağlub etdi. Madrid endi turnir jadvalida 5 oçkoga ilgarilab ketdi. «Real» endi faqat özini özi mağlub etişi sovrindan quruq qoldirişi mumkin, lekin bu «Jirona»ning bu mavsumdagi ajoyib öyini haqidagi taassurotlarni yöqqa çiqara olmaydi. Yakşanba kungi öyinlardan keyin «Barselona» va «Atletiko» yaqinlaşib olişi mumkin, ammo beşinçi örin bilan oradagi farq ança katta. Jamoa keyingi mavsumda Çempionlar ligasida iştirok etişiga heç kimda şubha yöq.

Italiya: De Rossi «Inter» tomonidan töxtatildi

«Roma» – «Inter» - 2:4
Gollar: 0:1 – 17 Açerbi, 1:1 – 28 Mançini, 2:1 – 44 Al-Şa’roviy, 2:2 – 49 Tyuram, 2:3 – 56, avtogol Anhelinio, 2:4 – 90 Bastoni.
«Roma»: Ruy Patrisiu, Karsdorp, Mançini, Heysen, Anhelinio (Spinatssola, 61), Paredes, Kristante (Bove, 61), Pellegrini (Baldansi, 76), Al-Şa’roviy (Zalevski, 76), Dibala (Ozmun, 87), Lukaku.
«Inter»: Zommer, Darmian (Dumfris, 75), Açerbi (de Vrey, 63), Pavar, Bastoni, Dimarko (Karlos Augusto, 75), Mxitaryan, Çalxonöğli, Barella, Tyuram (Sançes, 87), Martines (Arnautoviç, 75).
Ogohlantirişlar: Mançini (47), Heysen (90).

Joze Mourinio merosi yoki Daniele De Rossi effekti? Bu borada çeksiz bahslaşiş mumkin, fakt faktligiça qoladi— boş murabbiy almaşganidan keyin «Roma» barça uç öyinda ğalaba qozondi. Ha, bular top-darajadagi raqiblar emas («Verona» 2:1, «Salernitana» 2:1, «Kalyari» 4:0) faqat avval «börilar» şunday raqiblarga qarşi öyinlarda ham qoqilardi va bu mavsumda ularda bunday seriya bölmagandi. Tabiiyki, turnir jadvali yetakçisiga qarşi öyin oldidan rimliklarda kayfiyat joyida edi. Kuçli startdan keyin «Roma» ikki karra alamli gol ötkazib yubordi. Birinçidan, burçak zarbasi ijro etilganida töpni uzoqlaştirişga uringan Lukaku uni sobiq jamoadoşi Açerbiga yetkazib berdi va unga 36 yoşga tölgan kunida sovğa qildi. Ikkinçidan, monitorga taklif etilgan arbitr VAR hakamlari fikriga qöşilmadi, ular ofsaydda qolgan Tyuram Ruy Patrisiuga xalaqit bergan deb topişgandi.

Boş hakam maydon markazini körsatib golni inobatga olganida, De Rossi jamoaga hali heç narsa yöqotilmaganini körsatib signal berdi. Futbolçilar esa murabbiyga quloq solişdi va tanaffus arafasida mezbonlar hisobda oldinga çiqib olişgandi. Avvaliga Mançini faqat «Inter»dagi markaziy himoyaçilar gol urmasligini körsatdi. Tezkor hujum boşida Lukaku töpni özida saqlab qoldi va bu hujum Al-Şa’roviyning muvaffaqiyati bilan yakunlandi. Birinçi bölimda ötkazib yuborilgan ikki gol — bunaqasi «Inter»da qariyb ikki yildan buyon kuzatilmagandi.

Ammo bu Simone Indzagi jamoasi uçun hukm böla olmasdi. Tanaffusdan keyin mehmonlar tezlikni oşirişdi va Tyuram öz faolligini gollarga aylantirdi. Birinçi holatda fransuz Mançinini doğda qoldirdi. Ikkinçisida Mxitaryan töp uzatgan vaqtda forvard bilan töp uçun kuraşgan Anhelinio öz jamoasi darvozasini işğol etib qöydi.

Lukakuning javob zarbasini esa Zommer oyoqlari bilan qaytarib oldi. Öyin oxirida hujum markazida paydo bölgan markaziy himoyaçi Bastoni öyinga nuqta qöyuvçi golni urdi. «Roma» hozirda yaxşi holatda, ammo «Inter» bu çempionatda — amalda boşqa galaktika vakili bölib öynamoqda.

Germaniya: himoyaçilar kuni

«Bayyer» – «Bavariya» 3:0
Gollar: 1:0 – 18 Stanişiç, 2:0 – 50 Grimaldo, Frimpong 3:0 – 90+5
«Bayyer» – Gradetski, Stanişiç, Ta, Tapsoba, Inkapie, Grimaldo (Puerta, 90), Jaka, Andrih, Virts (Glojyek, 90), Tella (Frimpong, 65), Adli (Hofmann, 82).
«Bavariya» – Noyyer, Mazraviy, Dayyer, Upamekano (Kimmih, 60), Kim Min Je, Boe (Gerreyru, 81), Pavloviç (Myuller, 60), Goretska (Tel, 71), Sane, Musiala (Şupo-Moting, 81), Keyn.
Boe (36), Goretska (62), Tapsoba (64), Adli (77), Gradetski (83).

Ötgan mavsumda inqiroz holatidagi «Bavariya» Dortmundning «Borussiya» klubi oxirgi turlarda sustlaşib qolgani tufayli çempionlikni qölga kiritgandi. Öşanda myunxenliklarning çempionlik xarakterini ham, jamoalar gegemon tempiga bardoş bera olmaydigan bundesliga muammolarini ham muhokama qilişgandi. Gegemonga raqobat qiluvçi jamoalar özaro öyinlarda batamom yakson etilişi sönggi yillarda köp kuzatilgandi.

Ammo Habi Alonso boşqaruvidagi «Bayyer» — alohida tarix. 21 tur davomida birorta mağlubiyatga uçramagan jamoa birinçi davrada Myunxenga taşrifida öz da’volarini namoyiş etib bergandi (2:2). Uyda esa leverkuzenliklar öyinni şunçalik kuçli boşlaşdiki, bu bilan göyoki Opta kompaniyasi tahlilçilariga javob qaytarmoqçidek edi. Uning superkompyuteri şanba kungi öyin oldidan mavsumning qolgan qismidagi voqealar rivojini prognoz qilgan va «aspirinçilar»ning Kumuş tovoqni qölga kiritiş imkoniyatlarini 49 foizga baholagandi.

Ammo birinçi bölim yakunlariga köra statistika gurulari vizual taassurotlarni faqatgina mustahkamlab qöyuvçi vaziyatlarni qayd etişdi. Xususan, Keynning maydondaligi umuman sezilmadi. 45 daqiqa davomida u atigi yetti bor töpga tegindi va bu işni biror marta raqib jarima maydonida amalga oşirmadi. «Bavariya» futbolçilari tanaffusga qadar jami uç bor zarba berişdi. Oxirgisi — «Bayyer»ning faollaşuvidan keyingi qarşi hujumda röy berdi. Bu vaqtda mezbonlar safida myunxenliklardan ijaraga olingan va ketişi Tomas Tuxelni ranjitgan Stanişiç hisobni oçib bölgandi.

U Leverkuzenda rotatsiya futbolçisi, qanotlarda asosiy işni boşqa laterallar bajarişadi. Ikkinçi bölimda hisobdagi farqni ikkitaga oşirgan Aleks Grimaldo 8 gol va 9 golli uzatma bilan — umuman kosmik darajada öyin körsatmoqda. Yana bir qanot himoyaçisi — Frimpong ham şunga yaqin natija qayd etmoqda (6+6), u öyin oxirida Noyyer hujumga qöşilganida «Bavariya»ning böş qolgan darvozasini işğol etdi. Şunday qilib, «Bayyer»ning hujum vakillari turli sabablar bilan yordam bera olmayotgan mahalda (Bonifase, Patrik Şik, Palasios) himoya vakillari amaldagi çempion darvozasiga uçta gol yöllaşdi.

Leverkuzen sovringa intilmoqda, Myunxendagilar esa Yulian Nagelsmann ahmoqona tarzda işdan böşatilgani uçun tirnoğini tişlaşmoqda. Endi barça «Bavariya»ning sobiq futbolçisi va jamoaning gegemonligiga çek qöyişga bel boğlagan Habi Alonsoni olqişlamoqda. Darvoqe, endi Opta superkompyuteri «Bayyer»ning çempionlik uçun imkoniyatlarini 66 foizga baholamoqda.

Kun statistikasi

• «Fulhem» yarimhimoyaçisi Joau Palinya kuçli beşlikda bu mavsumda 100 dan oşiq podkat amalga oşirgan birinçi futbolçi böldi.
• «Mançester Siti» yarimhimoyaçisi De Bryuyne ötgan mavsum boşidan buyon barça turnirlarda forvard Holandga 12 bor assistentlik qilgan. Bu Angliya futbolidagi eng samarali boğlam bölib turibdi.
• Bellinghemning madridliklar safida bir mavsumdagi 16 goli — XXI asrda Ispaniya çempionatidagi yarimhimoyaçilar uçun rekord körsatkiç.
• «Bayyer» mavsum boşidan buyon 31 öyinda yutqazmayapti. Yana bir mağlubiyatsiz öyindan keyin leverkuzenliklar Germaniyada «Bavariya»ga tegişli bölgan rekordni takrorlaydi.
• «Inter» safidagi eng katta yoşli futbolçi Açerbi 36 yoşga tölgan kunida gol urdi.