Namanganda Damas yonib ketdi

Foto: Namangan FVB axborot xizmati

Namangan shahrida 3 mart kuni soat 12:26 da Damas avtomashinasi yonib ketdi. Bu haqda Namangan FVB axborot xizmati xabar berdi.

Ma’lum qilinishicha, hodisa Namangan shahar Yangi Namangan tumani «Ishonch» MFYda joylashgan avtomobillarga texnik xizmat ko‘rsatish ustaxonasida sodir bo‘lgan. Ustaxonaga ta’mirlash uchun olib kelingan Damas’da yong‘in sodir bo‘lgach, ustaxona ishchilari va yon atrofdagi kishilar tomonidan o‘chirilgan.

Sodir bo‘lgan yong‘in yuzasidan qutqaruvchilarga xabar o‘z vaqtida bormagan va voqeada tan jarohati olganlar yo‘q.

Hozirda yong‘in yuzasidan tergovga qadar surishtiruv ishlari olib borilmoqda.