Salexard sudi Lyudmila Navalnayaning tergovçilar harakatsizligi haqidagi şikoyatini körib çiqmasdan qoldirdi. Bu haqda 4 mart, duşanba kuni FBK direktori Ivan Jdanov özining Telegram-kanalida ma’lum qildi.
Aleksey Navalniyning tarafdori ta’kidlaşiça, bu şikoyat muxolifatçi siyosatçi onasi tomonidan yuborilgan, çunki xavfsizlik kuçlari siyosatçi jasadini bir neça kun davomida qarindoşlariga berişdan boş tortgan.
Navalniyning ölimi yuzasidan tergovdan oldingi tekşiruv davom etmoqda. «Bu tekşiruv heç narsa bilan tugamasligi aniq, ammo advokatlar jinoyat işini qözğatişdan butunlay voz keçiş va bu rad etiş ustidan şikoyat qiliş darajasiga qadar barça rasmiy tartib-qoidalarni olib boradi. Ertami-keçmi haqiqiy tergov ötkaziladi», - deya yozgan Jdanov.
Aleksey Navalniyning ölimi
Uzoq muddatli qamoq jazosiga hukm qilingan Aleksey Navalniy 16 fevral kuni Yamal-Nenets avtonom okrugi Xarp qişloğidagi «Polyarnyy volk» maxsus rejimli koloniyasida vafot etdi. Uning ölimi haqidagi hisobotda aytilişiça, 47 yoşli siyosatçi «tabiiy sabablar» tufayli vafot etgan. FBK yaratuvçisining tarafdorlari u öldirilgan deb hisoblayapti. Navalniy qamoqda ötirgan vaqtida 27 marta jazo kamerasiga jönatilgan.
Aleksey Navalniyning jasadi onasi Lyudmila Ivanovnaga faqat 24 fevral kuni berildi. Bundan oldin u Navalniy bilan xayrlaşmasdan yaşirin dafn marosimiga rozilik berişni talab qilgan Tergov qömitasining ultimatumidan şikoyat qilgan. Lyudmila Navalnaya bu talabni bajarişdan boş tortdi. Navalniyning dafn marosimi 1 mart kuni Moskvada, Borisov qabristonida bölib ötdi. Hibsga oliş tahdidlariga qaramay, minglab odamlar siyosatçi bilan xayrlaşiş uçun kelgan. Dafn marosimidan bir neça kun ötgaç ham odamlar siyosatçining qabri oldiga gul qöyiş va u bilan xayrlaşiş uçun navbatda turibdi.
