Belgorodda evakuatsiya, Ukrainada blekaut. Urush suratlari

Ukrainadagi urushning 759-kuni o‘tdi. Asosiy ma’lumotlar:

• Rossiya FXX «Krokus Siti Holl»dagi teraktni sodir etishda gumonlanuvchilar Ukrainaga qochmoqchi bo‘lgani, ular bu mamlakatda «tegishli kontaktlar»ga ega bo‘lgani haqida ma’lum qildi.
• Keyinroq Vladimir Putin terakt munosabati bilan rossiyaliklarga murojaat qildi va gumonlanuvchilar uchun Ukraina chegarasida «tuynuk» tayyorlangani haqida aytdi.
• Ukraina harbiy razvedkasi rasmiysi Andrey Yusov gumonlanuvchilar Ukrainada yashirinmoqchi bo‘lgani to‘g‘risidagi xabarlarni «bo‘lmag‘ur gap» deb atadi.
• Kreml davlat nazorati ostidagi va hukumatga xayrixoh bo‘lgan nashrlarga «Krokus»dagi terakt haqidagi xabarlarida «ukrainlar izi» ehtimoliga urg‘u qaratishnga topshiriq bergani aytilgan.
• Ukraina qurolli kuchlari bosh qo‘mondoni Rossiya 100 ming askardan ortiq shaxsiy tarkibga ega guruh tashkil etganini ma’lum qildi.
• Britaniya harbiy razvedkasi ma’lumotiga ko‘ra, Ukraina o‘tgan haftalarda Rossiyadagi neftni qayta ishlash zavodlariga yo‘llagan dron zarbalari orqali Rossiya neftni qayta ishlash kuchining 10 foiz qismini ishdan chiqargan.
• Xarkivga 24 martga o‘tar kechasi amalga oshirilgan dronlar hujumi oqibatida to‘rt kishi yaralangan.
• Ukraina qurolli kuchlari kun davomida ikki bor Belgorodni o‘qqa tutdi. Tinch aholi vakillaridan biri halok bo‘lib, yetti nafari yaralangan.
• Noqonuniy ravishda Rossiyaga olib ketilgan bolalardan yana to‘qqiz nafari Ukrainaga qaytarildi.

Belgorod oblasti o‘qqa tutilishi oqibatlari

Ukraina qo‘shini 23 mart kuni Belgorodni ikki bor o‘qqa tutdi. Ertalabki hujum oqibatida bir kishi halok bo‘lgan, uning rafiqasi bosh miya yopiq jarohati bilan shifoxonaga yotqizilgan. Tinch aholi vakillaridan yana to‘rt kishi jarohat olgan. Shaharda 14 ta ko‘p kvartirali uylar, to‘rtta xususiy uy, avtomobillar va avtobus shikastlangan.

Kechqurun Belgorod uzra havo hujumidan mudofaa tizimi ishlagan. Gubernator Vyacheslav Gladkovning ma’lumotiga ko‘ra, shahar ustida va uning chekkalarida «o‘nta havo nishonlari» urib tushirilgan. Bu o‘qqa tutish vaqtida tinch aholi vakillaridan ikki kishi yaralangan.

Bundan tashqari, shu kuni oblast shimolidagi Chernyanskiy rayonida dronlar hujumi oqibatida bir kishi halok bo‘lgan.

Gladkovning qayd etishicha, so‘nggi ikki hafta davomida Belgorod oblastida ukrainlarning zarbalari oqibatida tinch aholi vakillari bo‘lgan 24 kishi halok bo‘lgan, shundan ikki nafari bolalar.
 

Xarkiv oblastini minalardan tozalash

Ukrainada qurol ishlab chiqarilishi

Xarkiv bo‘ylab yopirilma zarba oqibatlari

RF qo‘shini 22 mart kuni Ukraina energetika infratuzilmalari bo‘ylab keng ko‘lamli hujum amalga oshirdi. Raketalar Xarkiv, Xmelnitskaya, Zaporijjya va Dnipropetrovsk oblastlari bo‘ylab ham zarba bergan. Rossiya hujumi nishonlaridan biri Dnipropetrovsk GES bo‘lgan — bu Ukrainadagi eng yirik gidro elektr stansiyadir. RF mudofaa vazirligi Ukraina bo‘ylab raketa va dron zarbalarini Belgorod va Kursk oblastlari «chegara hududlariga yorib kirish va egallash» urinishlariga javoban «qasos zarbalari» deb atagan.