Abdulla Aripov Rossiyaning O‘zbekistondagi elchixonasiga tashrif buyurdi

Abdulla Aripov RF elchisi Oleg Malginov orqali butun Rossiya xalqiga ta’ziya bildirdi.

Foto: Bosh vazir matbuot kotibi

Bugun, 25 mart kuni O‘zbekiston bosh vaziri Abdulla Aripov Rossiya Federatsiyasining mamlakatdagi elchixonasiga tashrif buyurdi.

Bosh vazir matbuot kotibi xabariga ko‘ra, Abdulla Aripov RF elchisi Oleg Malginov orqali butun Rossiya xalqiga ta’ziya bildirgan.

Avvalroq, Bosh vazir Rossiya Federatsiyasi hukumati raisi Vladimir Mishustinga Moskva viloyatidagi Crocus City Hall majmuasida sodir bo‘lgan terakt oqibatida ko‘plab insonlar halok bo‘lgani va og‘ir jarohat olgani munosabati bilan hamdardlik maktubini yuborgan edi.

Moskva shahri yaqinidagi Crocus City Hall konsert zalida sodir etilgan terakt oqibatida halok bo‘lgan 137 kishining jasadi topilgan, hududni ko‘zdan kechirish ishlari davom ettirilmoqda. Bu haqda Rossiya Tergov qo‘mitasi xabar berdi.

Ayni vaqtga kelib 62 jasadning shaxsi aniqlangan, qolganlari bo‘yicha ekspertiza o‘tkazilmoqda.

#Rossiya #Abdulla Aripov

Rossiyaning Moskva viloyati, Krasnogorsk shahridagi «Krokus Siti Xoll» konsert zalida otishma yuz berdi. Mahalliy OAV xabarlariga ko‘ra, noma’lum shaxslar avtomat miltiqdan odamlarga qarata o‘q uzgan.