Çexiya Rossiyaning YeI siyosatçilariga pora beriş sxemasini foş etganini ma’lum qildi

Voiceofeurope.com sayti muntazam ravişda yevropalik siyosatçilarning Ukrainaga yordamni töxtatiş haqidagi çaqiriqlarini çop etgan. Şuningdek, xabarlar bilan bir qatorda, sayt homiyligida turli seminarlar va konferensiyalar ötkazilgan, ularning iştirokçilari rossiyaparast pozitsiyalarni tarqatgan, deya ta’kidladi Praga xalqaro munosabatlar instituti direktori Yan Kovarj DW bilan suhbatda. Çexiyaning Denik N gazetasiga köra, saytda e’lon qilgan yoki intervyu berganlarning ba’zilariga buning uçun pul tölangan, bu ba’zi hollarda iyun oyida bölib ötadigan Yevropa parlamentiga saylovlar uçun taşviqot xarajatlariga mos keladi. Der Spiegel ma’lumotlariga köra, pul Pragadagi şaxsiy uçraşuvlar paytida yoki kriptovalutadan foydalangan holda berilgan. Çexiyaning Denik N gazetasi yozişiça, oluvçilar qatoriga olti davlat – Germaniya, Belgiya, Fransiya, Vengriya, Niderlandiya va Polşa siyosatçilari kirgan. 

Çexiyalik jurnalistlar pul oluvçilarning aniq ismlarini aytmadi, lekin ta’kidlaşiça, sayt, xususan, «Germaniya uçun muqobil» (GuM) öng qanot populistik nemis partiyasi siyosatçisi - Yevropa parlamenti a’zosi Maksimilian Kra, şuningdek Bundestag deputati Petr Bistron bilan intervyularni çop etgan. Kra ötmişda Medvedçuk bilan aloqada bölgan - u tuğilgan kunga taklif qilingan va davlatga xiyonatda ayblanib, uy qamoğiga olingandan keyin Kiyevga uni körgani taşrif buyurgan.

Musodara qilingan pul, Yevroparlamentga «noqonuniy ta’sir»

Yevropalik siyosatçilarning poraxörligiga oid ayblovlar hozirça pul ötkazmalari bilan tasdiqlanmadi. Şuningdek, siyosatçilar qaysi holatlarda mukofotlangani va qaysi holatda mukofotlanmagani ham aniq emas. Ammo bu işda deklaratsiya qilinmagan moliyaviy aktivlar iştirok etgani bilvosita sayt egalaridan biri joylaşgan Polşadagi tintuvlar fakti bilan tasdiqlanadi. Dpa axborot agentligi ma’lumotlariga köra, 28 mart kuni Varşava va Tixi şahrida tintuv ötkazgan ABW Polşa razvedka xizmati xodimlari 48,5 ming yevro va 36 ming dollarni musodara qilgan. Maxfiy xizmat xodimlari tintuvlarni bevosita Voice of Europe işi bilan boğladi.

Şu bilan birga, Maksimilian Kra Der Spiegel tomonidan söralganda, poraxörlik gumonlarini rad etib, «albatta, özi uçun ham, partiya uçun ham pul olmagani» va göyo Pragadagi mehmonxona uçun özi tölaganini bildirdi. Bistron Der Spiegel jurnalistlarining söroviga javob bermadi. Kra va Bistron Yevroparlament saylovlari uçun GuM röyxatida birinçi va ikkinçi örinlarni egallagan.

«Rossiya rus propagandasi uçun pul tölagan» 

Moskva tomonidan moliyalaştirilgan Voice of Europe veb-saytining foş etilişi Rossiyaning Yevroparlamentga «noqonuniy ta’siri»dan dalolat beradi, deya ma’lum yildi Germaniya hukumati Praga qaroriga va matbuot naşrlariga javoban. «Tarmoq Yevropaning bir qança davlatlaridan bölgan siyosatçilardan foydalangan va ular ixtiyoriga katta miqdorda mablağ ajratgan», — deyiladi Germaniya IIV vakili bayonotida. 

Bu ma’lumotni 28 mart, payşanba kuni Belgiya boş vaziri Aleksandr De Kro tasdiqladi. «Masalan, ma’lum bölişiça, Rossiya Yevroparlament a’zolariga murojaat qilgan, biroq bu yerda rus propagandasini tarğib qiliş uçun pul bergan», – dedi u Belgiya parlamentidagi debatlar çoğida. U deputatlarning ismlarini aytmadi, lekin şu haftada Belgiya va Çexiya maxsus xizmatlari örtasida Rossiya taşviqot tarmoğini yöq qiliş böyiça «yaqin hamkorlik örnatilgani»ni ta’kidladi, deya ta’kidlaydi Politico. 

Ayni paytda, Yevroparlament matbuot xizmati DW’ga ma’lum qilişiça, u Yevropa Ittifoqining boşqa institutlari bilan birgalikda Çexiya rasmiylari tomonidan taqdim etilgan ma’lumotlarni örganmoqda. Yevroparlament, şuningdek, sanksiya qöllangan ommaviy axborot vositalariga parlament audio va video platformalaridan foydalaniş va uning hududida böliş taqiqlanganini eslatdi. Avvalroq, 8 fevral kuni Yevroparlament Rossiyaning Yevropa Ittifoqidagi ta’siri bilan boğliq rezolyutsiyani qabul qilgan edi.