Ğazodagi vaziyat
Turkiyadan eksport töxtatilgani ma’lum bölgaç, Isroil Turkiyaning falastinliklar bilan aloqalariga tösqinlik qilişini bildirgan.
Isroil taşqi işlar vazirligi Turkiya va Falastin muxtoriyati örtasida iqtisodiy aloqalarni qisqartiriş böyiça çoralar körişini e’lon qilgan.
Turkiya Isroil bilan iqtisodiy aloqalarni töliq uzgaç, Isroil rahbarlari AQŞ ma’muriyati bilan boğlanib, Turkiyaga qarşi çoralar qöllaşga çaqirgan.
Biroq Oq uyning milliy xavfsizlik böyiça maslahatçisi Jon Kirbi NATO böyiça ittifoqçisi bölgan Turkiya bilan munosabatlar Isroil tufayli yomonlaşmasligiga urğu bergan.
Isroilning Ğazodagi harbiy agressiyasi töxtagani yöq. Uruşning 210-kuniga kelib Ğazodagi qurbonlar soni 34 ming 622 kişiga yetgan. Ğazo soğliqni saqlaş vazirligi tomonidan e’lon qilingan. 77 ming 867 kişi yaralangan.
Sönggi sutka içida Isroil qöşinlari Ğazoda 3 ta ommaviy qirğinga sabab bölgan hujumlar taşkillaştirgan. Ularda 26 kişi halok bölgan va 51 kişi yaralangan.
Ukrainadagi uruş
Ukraina prezidenti Volodimir Zelenskiy Rossiya tomonidan qarşi boşlangan uruşning yangi bosqiçiga duç kelayotganini ta’kidladi. Unga köra, Rossiya öz hujumlarini kengaytirmoqçi bölmoqda, buning uçun Kiyev va uning ittifoqçilari uşbu rejalarni barbod qilişi kerak.
«Biz hammamiz birgamiz, barça ukrainaliklar, askarlarimiz, davlatimiz, şeriklarimiz, biz Rossiyaning hujum rejasini buziş uçun hamma narsani qilişimiz kerak», dedi Ukraina prezidenti.
Ukraina Qurolli kuçlari harbiy xizmatçilari va çegaraçilar Rossiyaning Ukrainaga keng kölamli hujumi boşlanganidan beri 800 kun davomida Rossiya agressiyasiga qarşilik körsata olganini eslatdi.
Mamlakat «hujum qilgan tomon har qanday şaroitda ham, u nima qilmasin va qançalik qabihlik qilmasin, öz maqsadiga erişa olmasligini» isbotlaşi kerak, — dedi Zelenskiy çegaraçilarga xizmatlari uçun minnatdorçilik bildirib.
Ukraina razvedkasi rahbari örinbosari Vadim Skibitskiy uruşni faqat jang maydonida yutib bölmasligini aytdi.
