Közini yöqotgan ukrain askarlari va Tokmakdagi vayrongarçiliklar. Uruş suratlari

Rossiyaning Odessadagi poçta terminaliga zarbasidan keyingi yonğin

Rossiya qöşini deyarli har kuni Odessa böylab raketa zarbalari bermoqda va dronlar bilan hujum qilmoqda. Bu hujumlar nişoni energetika obektlari va port infratuzilmalari, turar joylar va ma’muriy binolar, sanoat korxonalari hamda omborxonalar bölmoqda. Quyidagi fotolarda — 2024 yil 29 aprel kuni yöllangan şunday zarbalardan biri oqibatlari aks etgan.

Kreminna atrofidagi ukrain harbiylari

Rossiya qöşini 2022 yil bahorida Luhansk oblasti şimolidagi Kreminna şahrini egallab olgandi, keyin esa uşbu şahar atrofida joylaşgan Serebryanskiy örmonçilik xöjaligini egallaş uçun behuda urinişlarni amalga oşiradi. Uşbu hudud uçun janglar turliça intensivlikda ikki yildan buyon davom etadi. Frontning uşbu uçastkasida mudofaalanayotgan ukrain bölinmalari qatorida — bosqin boşida Mariupolni himoya qilgan «Azov» brigadasi ham bor. «Azov» 2023 yil avgustida qaytadan tiklangan va Ukraina milliy gvardiyasi ma’lumotiga köra, «Luhansk oblastidagi Serebryanskiy örmonçilik xöjaligi hududida jangovar topşiriqlarni bajarişga kirişgan».

Ukraina qurolli kuçlarining dron operatorlari

Ukraina qurolli kuçlari «Edelveys» 10-alohida toğ-şturm brigadasi 2016 yildan Donbassdagi aksilterror amaliyotlarda (ATO) iştirok eta boşlagan. Keng kölamli bosqin boşlanganidan keyin brigada Kiyev oblastini ozod etadi, 2022 yil mayidan buyon Donetsk oblastida jang qilmoqda. Hozirda u yerda frontning Ukraina qurolli kuçlari uçun eng muammoli uçastkasi joylaşgan. Rossiya qöşini Baxmut ğarbidagi Çasiv Yar şahrini şturm qilişga hozirlanmoqda — bu tepalikda joylaşgan tayanç punkti bölib, Ukraina razvedkasi rahbari örinbosari Vadim Skibitskiyning hisoblaşiça, uşbu şaharni egallagaç, Rossiya armiyasi uçun Donetsk oblastining okkupatsiya qilinmagan sönggi yirik şaharlariga yöl oçiladi.

Okkupatsiya qilingan Popasnaya

2022 yil bahorida Rossiya qöşini Luhansk oblastining Popasnaya şahrini egallab olgandi. Şahar bir neça oy davom etgan şiddatli janglardan keyin deyarli butkul vayron bölgan.

Okkupatsiya ostidagi Tokmak öqqa tutilişi

Ukrainaning Zaporijjya oblastidagi Tokmak şahri 2022 yil martidan buyon Rossiya okkupatsiyasi ostida qolmoqda. Keng kölamli uruşga qadar Tokmakda 30 mingdan ortiq kişi yaşagan. U yerda hozirda qança odam qolgani — noma’lum. 2022 yil 7 may kuni «Ukrinform» naşri Tokmak meri Igor Kotelevskiy halok bölganini ma’lum qilgandi. U bu lavozimda 2009 yildan buyon işlab kelgan, 2022 yil bahorida esa rossiyalik harbiylar bilan hamkorlik qiliş hamda vakolatlarini topşirişdan boş tortgan, ammo şaharda qolişda davom etgandi. «Ukrinform»ning tasdiqlanmagan ma’lumotlariga köra, Kotelevskiy öz joniga qasd qilgan bölişi mumkin. Zaporijjya oblastining Rossiya tomonidan tayinlangan ma’muriyati vaqti-vaqti bilan Tokmak Ukraina qurolli kuçlari tomonidan öqqa tutilişi va qurbonlar haqida xabar berib turadi. 3 may kuni region «gubernatori» Yevgeniy Balitskiy Ukraina harbiylari şahardagi beş qavatli binoni öqqa tutganini ma’lum qildi.
 

Poklonnaya toğida 300 metrlik Georgiy lentasi  

3 may kuni Moskvaning Poklonnaya toğidagi Ğalaba parkida «Buyuk Ğalaba ramzlari» nomli aksiya ötkazildi. Uning iştirokçilari 300 metrlik Georgiy lentasi va 1945 yil mayida Reyxstag ustida örnatilgan tuğning 20 metrlik nusxasini yoyişdi. Aksiya hukumatparast yoşlar harakatlari — «Yagona Rossiya yoş gvardiyasi», «Köngillilar rotasi» va «Yunarmiya» tomonidan taşkillaştirilgan. «Yoş gvardiya» raisi Anton Demidov NTV telekanaliga harakat iştirokçilari xuddi şu lentani Ukrainaning anneksiya qilingan hududlari — Mariupol, Melitopol va Donetsk oblastidagi sovetlar yodgorlik majmuasi örnatilgan Saur-Mogila qörğonida olib ötişganini aytgan.