Dunyoning eng qimmat klublari reytingi e’lon qilindi

Angliyaning «Manchester Yunayted» klubi dunyoning eng qimmat futbol klublari ro‘yxatida birinchi o‘rinni egalladi. Bu haqda Sportico xabar berdi.

Qayd qilinishicha, «Manchester Yunayted»ning qiymati 6,2 milliard dollarga baholangan.

Keyingi o‘rinni Ispaniyaning «Real Madrid» (6 milliard dollar) va «Barselona» (5,2 milliard dollar) klublari egallab turibdi. Yuqori beshtalikda shuningdek, Angliyaning «Liverpul» (5,1 milliard dollar) va Germaniyaning «Bavariya» (4,8 milliard dollar) klublari ham bor.

Sportico reytingi klublarning moliyaviy hisobotlarini chuqur tahlil qilish, shuningdek, futbol biznesi sohasidagi mutaxassislardan olingan ma’lumotlarga asoslanadi.