Putin Shimoliy Koreyada - limuzinda, bolalar bilan va o‘zining ko‘p sonli portretlari yonida. Fotosuratlar

Rossiya prezidenti Vladimir Putin 18 iyun kuni kechqurun 2000 yildan buyon ilk bor Pxenyanga keldi va bu yerda u KXDR yetakchisi Kim Chen In bilan uchrashdi. Tashrif yakunlariga ko‘ra, tomonlar har tomonlama strategik hamkorlik to‘g‘risidagi shartnomani tuzishdi. Ushbu kelishuv haqida gapirarkan, Putin uni «uzoq yillar davomida ikki davlat munosabatlari asosini tashkil etuvchi asosiy hujjat» deb atadi. Kim Chen In Rossiyaning Ukrainadagi harakatlarini ma’qullashini bildirdi. Uchrashuv yakunida Putin koreyaliklar rahbarini Moskvaga tashrif buyurishga taklif etdi.