AQŞ davlat kotibi Entoni Blinken Ğazo sektorida öt oçişni töxtatiş va garovga olinganlarni ozod qiliş böyiça bölajak muzokaralar oldidan Isroilga taşrif buyurdi. Amerika diplomatiyasi rahbari Tel-Avivdagi Ben-Gurion aeroportiga qöndi, deb xabar berdi AFP 18 avgust, yakşanba kuni.
Unga köra, Blinken 19 avgust kuni Isroil boş vaziri Binyamin Netanyahu, mudofaa vaziri Yoav Galant va prezident Itsxak Gersog bilan uçraşadi, 20 avgust kuni esa Misrga boradi.
Blinkenning Ğazodagi uruş boşlanganidan beri Yaqin Şarqqa töqqizinçi taşrifi
Davlat departamenti matbuot kotibi örinbosari Vedant Patel aniqlik kiritişiça, Blinkenning «intensiv diplomatik sa’y-harakatlari» 16 avgust kuni Vaşington tomonidan Misr va Qatar kömagida taqdim etilgan vaqtinçalik taklifga asoslanadi.
«Uşbu taklif Ğazoda öt oçişni töxtatişga erişiş, barça garovga olinganlarni ozod qiliş, butun mintaqa böylab gumanitar yordam tarqatilişini ta’minlaş va kengroq mintaqaviy barqarorlik uçun şaroit yaratiş imkonini beradi», - deya işontirdi Davlat departamenti.
Blinken yana bir bor mintaqadagi barça mamlakatlarni keskinlaşuv yoki kelişuvga erişiş qobiliyatiga putur yetkazadigan boşqa harakatlardan tiyilişga çaqiradi.
AFP eslatganidek, bu AQŞ davlat kotibining 2023 yil oktyabr oyida Ğazo sektorida uruş boşlanganidan beri Yaqin Şarqqa töqqizinçi taşrifidir.
Netanyahu: Hamasga bosim ötkaziş kerak
18 avgust kuni Netanyahu, uning fikriça, birinçi navbatda, Falastinning Hamas harakatiga bosim ötkaziş kerakligini yana bir bor ta’kidladi.
«Hamas öz vakilini hatto Dohadagi muzokaralarga ham yubormadi, şuning uçun ham Isroil hukumatiga emas, balki Hamasga va (Yahyo) Sinvarga bosim ötkaziş kerak», dedi Netanyahu vazirlar mahkamasi yiğilişida Hamasning yangi rahbariga işora qilib.
Ğazo böyiça taklif 7 oktyabr kuni öğirlab ketilgan barça garovga olinganlarni Hamas qöyib yuboradigan uç bosqiçli jarayonni talab qiladi. Buning evaziga Isroil öz kuçlarini Ğazo sektoridan olib çiqib ketadi va falastinlik mahbuslarni ozod etadi, deb eslatdi AP.
Britaniya va Fransiya taşqi işlar vazirlari Devid Lemmi va Stefan Sejurne ham 16 avgust kuni Isroilga taşrif buyurib, Ğazo böyiça kelişuv zudlik bilan amalga oşirilişi zarurligini ta’kidladi.
