Rossiya prezidenti Vladimir Putin örniga u tomonidan tayinlangan vakil Meksikaga saylangan prezident Klaudiya Şeynbaumning inauguratsiyasiga boradi, dedi Rossiya TIV Lotin Amerikasi departamenti direktori Aleksandr Şçetinin 20 sentabr, juma kuni RTVI telekanaliga bergan intervyusida.
Şeynbaumning qasamyod qabul qiliş marosimi 1 oktyabrga belgilangan. Putin avgust oyida tadbirga rasmiy taklifnoma olgan edi. «Biz buning uçun Meksika tomonidan minnatdormiz, Rossiya Federatsiyasi prezidenti öz vakilini tayinladi, biz bu haqda meksikaliklarni tegişli ravişda xabardor qildik», dedi Şçetinin va bu protokol amaliyotiga zid emasligini bildirdi.
Iyun oyida Putin Şeynbaumni saylovdagi ğalabasi bilan tabriklab, Meksikani «Rossiyaning Lotin Amerikasidagi tarixiy döstona hamkori» deb atagan edi.
Ukraina Putinni Meksikada hibsga olişni söradi
Şeynbaum prezidentlik saylovlarida ğalaba qozonganidan söng, Ukraina, agar Putin inauguratsiya marosimida iştirok etiş uçun mamlakatga uçib kelsa, Meksikadan uni hibsga olişni söragan. Kiyevning 7 avgust kungi sörovida Xalqaro jinoiy sud hibsga oliş orderi haqida gap ketgan. «Umid qilamizki, Meksika hukumati Vladimir Putin hibsga oliş uçun order berilgan şaxs ekanligini biladi», — deyiladi hujjatda.
Öz navbatida, Meksikaning amaldagi prezidenti Andres Manuel Lopes Obrador Ukrainaning iltimosini rad etdi. «Biz buni qila olmaymiz. Bu bizning işimiz emas», dedi u jurnalistlarga.
XJSning Rossiya prezidentini hibsga oliş uçun orderi
2023 yilda XJS Putinni hibsga oliş uçun order berdi va uni 2022 yil fevralida keng kölamli hujum boşlanganidan keyin Ukrainadan Rossiyaga bolalarni noqonuniy ravişda deportatsiya qilganlikda aybladi. Meksika XJS a’zosi hisoblanadi.
