Fransiya vazirlar mahkamasi rahbari Mişel Barniye 21 sentabr kuni özining yangi hukumati tarkibini taqdim etdi. Şu tariqa Fransiya uçun rekord darajadagi ikki oylik ötiş davri yakunlandi.
Prezident Emmanuel Makronga Barniyening özini tayinlaş uçun 51 kun kerak bölgan edi. Vazirlar röyxati - öng va markaz örtasidagi oğriqli muzokaralar samarasi - şanba kuni keçqurun Yelisey saroyi boş kotibi Aleksi Koller tomonidan e’lon qilindi.
Barniye 17 nafar vazirni tayinladi. Fransuz matbuotining yozişiça, 72 yoşli boş vazir hukumati tarkibiga avvalgi ma’muriyat vakillari, şuningdek, bir neça yangi kelgan konservatorlar va yangi tayinlangan markazçilar kirdi.
Umuman olganda, bu ön yildan köproq vaqt oldin prezident Nikolya Sarkozi davridagi Fiyon ma’muriyatidan keyingi eng öng qanot hukumatdir, dedi faxriy siyosiy şarhlovçi Alen Dyuamel.
Masalan, Fransiyaning yangi taşqi işlar vaziri Jan-Noel Barro prezident Makron bilan aloqador bölgan markazçi Demokratik Harakat a’zosi va sobiq Yevropa komissari Jak Barro öğli hisoblanadi. U avval Fransiyaning Yevropa işlari böyiça kiçik vaziri bölib işlagan.
Boş vazir Barniye 1 oktyabr kuni Fransiya parlamentidagi inauguratsion siyosiy nutqida hukumatning keyingi qadamlarini batafsil bayon qilişi kutilmoqda.
