«Liverpul», «Barsa» va «Yuve» uçun jiddiy sinov. Dam oliş kunlarida tavsiya etiladigan 4 uçraşuv
|22:00 / 19.10.202410 57712 min
Milliy jamoalar bilan boğliq tanaffus tugab, klublar navbatdagi bir oylik marafonga hozirlik körmoqda. Kutilayotgan haftalarda bizni bir qator qiziqarli uçraşuvlar kutib turibdi. El Klasikodan tortib, Angliya, Italiya va Çempionlar Ligasidagi top-töqnaşuvlarning guvohi bölamiz. Quyida esa kuçli törtlikdagi bittadan öyinga batafsilroq töxtalişga harakat qildik.
Foto: Getty imagesFoto: Getty images
YuVeNTUS – LATsIO (19 oktyabr, 23:45)
«Yuventus» Çempionlar Ligasida ança işonçli va sermahsul öyin körsatayotgan bölsa-da, Italiya çempionatida biroz teskari. Motta şogirdlari 7 öyinda atigi 10 gol urişdi xolos – peşqadam jamoa uçun juda kam. Şu bilan birga himoyadagi işonçli öyinni ham qayd etiş kerak – «Yuventus» nafaqat Italiya, umuman Yevropada eng kam gol ötkazgan jamoa bölib turibdi. Şu paytgaça faqat 7-turga kelibgina «Yuventus» öz darvozasidan gol ötkazib yubordi. U ham penaltidan urildi. Jamoaning ayni paytda «Napoli»dan atigi 3 oçko kam jamğargani holda 3-örinda borayotgani ham aynan himoyadagi öyinning samarasi deb ham bemalol aytiş mumkin. Zero, kuçliroq raqiblarga qarşi hozirça turinliklar yetarliça işonçli emas – «Roma» bilan ham, «Napoli» öz maydonida golsiz durang qayd etildi.
Lekin «Latsio» bilan öyinlar golsiz ötişiga işoniş qiyin. Jamoa iştirokidagi 7 öyinda jami 25 gol urilgan. Faqat «Atalanta»ning bu boradagi körsatkiçi «Latsio»dan köproq xolos. Rimliklar gol uriş böyiça ligada 3-körsatkiçni qayd etayotgan bölişsa-da, himoyada savollar bor – Italiyada 12 jamoa «Latsio»dan kamroq gol ötkazişni uddalay olgan. Demak, hujumkor, ammo himoyada mukammal bölmagan raqibga qarşi «Yuventus»ning öyini har tomonlama qiziqarli bölişi şubhasiz. «Latsio»hisobida ham xuddi «Yuventus» kabi 13 oçko borligini, ğalaba rimliklarni ham deyarli peşqadamga aylantirişini ta’kidlaş lozim. Barça musobaqalarda 4 öyindan beri faqat ğalaba qozonib kelayotgan «Latsio» «Yuventus»ning uşbu mavsumdagi mağlubiyatsiz seriyasiga çek qöya oladimi?
Sönggi yillarda özaro öyinlarda maydon egalari bölgan jamoaning qöli baland kelmoqda. «Latsio» oxirgi marta Turindan ikki yil oldin bir oçko olib ketgan. Oxirgi ğalaba esa, 2017 yilda sodir bölgan edi. Ammo rimliklarning oxirgi safar öyini aynan Turinda ğalaba bilan yakunlanganini ham aytib ketiş kerak. Ikki tur oldin Marko Baroni şogirdlari «Torino» ustidan safarda ustun kelgandi.
Jarohatlar borasida «Yuventus»da muammolar yetarli. Niko Gonsales, Korminers, Makkenilarda jarohat bor, Bremer deyarli butun mavsumga safdan çiqqan. Konsensau esa, «Kalyari» qarşi durang bölgan öyinning oxirida hakam tomonidan maydondan çetlatilgandi.
BAVARIYa – ŞTUTGART (19 oktyabr, 21:30)
Kompanining murabbiylik faoliyatidagi eng mas’uliyatli palla boşlandi deb bemalol aytiş mumkin. Uning qöl ostida «Bavariya» juda yaxşi boşladi, agar örtoqlik öyinlarini ham qöşsa, qatorasiga 10 uçraşuvni ğalaba bilan yakunladi. Eng çöqqi esa sönggi öyinlarda sodir böldi – jamoa qatorasiga uç öyinni 6:1, 9:2 va 5:0 hisobida yakunladi va töxtatib bölmaydigan maşinaga aylangandek edi. Ammo keyingi uç öyin aslida yetarliça muammo borligini ham körsatib qöydi. Sönggi raqiblar ança kuçli ekanini e’tiborga olsak, bu «Bavariya»dagi şunçaki pasayiş emas, demak kuçliroq raqiblarga qarşi hali Kompanida muammolar yöq emas. Dastlab «Bayyer» bilan durang, keyin Berminhemda mağlubiyat, ötgan turda esa Frankfurtdagi bahsda 3:3 hisobi qayd etildi.
Mavzuga oid
Agar qandaydir yaqqol muammoni körsatiş kerak bölsa, avvalo realizatsiyani aytiş mumkin. Mana şu uç öyinda myunxenliklar raqib darvozasiga 60 ta zarba berişdi, ammo atigi 4 gol urişga muvaffaq bölişdi. Raqiblarda 14 zarba bor – 5 gol. Ayniqsa, «Ayntraxt» 6 zarbadan 3 tasini, «Bayyer» 2 zarbadan birini golga aylantirgani ham ikkinçi muammoni qayd etadi – Manuel Noyyer ham u qadar yaxşi sport formasida emas. Kompanining mas’uliyatli davri deganda, «Bavariya» uçun oğirroq taqvim davom etayotgani, ança kuçli «Ştutgart»dan söng, jamoa «Barselona» mehmoni bölişi nazarda tutilgan edi. Mana şu ikki öyin natijasi, qay sur’atda borişi «Bavariya»ning keyingi, ayniqsa, katta öyinlarida öziga bölgan işonç borasida yetarliça asos sifatida hizmat qilişi mumkin.
Darvoqe, mana şu sönggi uç öyinda odatda sermahsul körsatkiçlar qayd etayotgan Xarri Keyn maydonni golsiz tark etayotganini ham ta’kidlaş kerak. Frankfurtdagi gollardan ikkitasini markaziy himoyaçilar urgan bölsa, «Bayyer» darvozasiga tayanç zonasida töp suradigan Pavloviç uzoq masofadan urgan edi.
«Ştutgart» haqida ham ikki oğiz töxtaladigan bölsak, jamoa hozirça ikki frontda jang qilişda muammolarga duç kelmoqda. Çempionlar Ligasida Madriddagi mağlubiyatni tuşuniş mumkin, ammo öz maydonida «Sparta» bilan durang albatta, nemislarning muvaffaqiyatsizligi sifatida baholanadi. Umuman «Ştutgart» oxirgi uç öyinni durang bilan yakunladi va ham ÇL da, ham Bundesligada öz ahvolini ança yomonlaştirib qöydi.
LIVeRPUL – ÇeLSI (20 oktyabr, 20:30)
«Liverpul»ning peşqadamlik qilayotgani, murabbiy almaşgani ham sezilmayotganini ba’zilar nisbatan oson taqvim bilan izohlaşmoqda. Bir tomondan mantiqli bölişi mumkin, «Liverpul» Milanda va «Old Trafford»da ğalaba qozongan bölsa-da, bu ikki klubdan hozirça nomi qolgani va öz muammolari girdobida ekani ma’lum. Ança dadil töp suradigan «Bolonya» bilan öyinda garçi liverpulliklar ğalaba qozongan bölişsa-da, ança qiynalişdi. Şu jihatdan «Çelsi»ga qarşi öyin jiddiy imtihonlarning boşlanişi ölaroq baholanişi mumkin. Ha faqat boşlanişi, zero keyingi tanaffusgaça bölgan bir oydan kamroq vaqt mobaynida «Liverpul» «Çelsi»dan taşqari, «Leypsig», «Arsenal», «Bayyer», «Aston Villa» va ikki marta «Brayton» bilan öynaydi. Birortayam oddiy öyin emas, hammasi murabbiy qöli bölgan ança kuçli jamoalar. Slot haqiqatan ham «Liverpul»ni ötgan yilgi darajasida saqlab qola oldimi yoki yangi murabbiy dastlabki sinovlarni yoki balkim ilk muvaffaqiyatsizliklarni qay tariqa yengib ötişi juda ahamiyatli masala bölib turibdi.
«Çelsi» haqiqatan ham jiddiy raqib. Mareska jamoasida ojiz nuqtani topiş muşkul. Londonliklar har qanday ssenariyda, qarşi hujumda ham, pressingda ham, pozitsion öyinda ham samarali böla olişlarini isbotlab ulgurişdi. Hatto doim tanqid ostiga olinadigan Jyeksonning ham gol+pas böyiça körsatkiçlari ança joyida. «Çelsi» ayni paytda APL da faqat «Mançester Siti»dan kamroq gol urgan xolos. Şu bilan birga safar öyinlarida yuz foizlik natija qayd etib turibdi.
Jarohatlar borasida «Çelsi»dan muammo yöq. Aksinça, Mareska matbuo anjumanida Ris Jyeymsning ham qaytayotganini tasdiqladi. Ammo «Notingem Forest»ga qarşi öyinning sönggi daqiqasida ham Foffana, ham Kukurelya hakam tomonidan ogohlantirilişgandi. Bu futbolçilar uçun beşinçi sariq kartoçka bölib, «Enfild»dagi bahsni ötkazib yuborişadi. Slot jamoasida esa, Alison va Endoda jarohatlar bor. Slot matbuot anjumanida şuningdek, Makalisterning holati şubha ostida ekanini bildirib ötdi.
Özaro öyinlarga kelsak, «Liverpul» qatorasiga 9 öyindan beri «Çelsi»ga yutqazmayapti. Töğri, bu öyinlarning yarmidan köpi durang bilan yakunlangan. Agar faqat «Enfild»dagi uçraşuvlarni olsak, ötgan mavsumdagi 4:1 hisobidagi yirik ğalabadan oldin «Çelsi» ança noqulay hisoblanayotgandi. Avvalgi uç mavsumda qatorasiga «Liverpul» ğalaba nimaligini bilmagan – «Çelsi» hisobida bir ğalaba va ikki durang bor edi.
BARSeLONA – SeVILYa (20 oktyabr, 23:55)
«Barselona»ning ayni paytdagi holatini «Liverpul»ga qiyoslaş ham mumkin. Yangi murabbiy, juda işonçli va sermahsul start, ammo muvaffaqiyatlarning taqvim bilan qisman boğliqligi. Xuddi liverpulliklar kabi «Barselona» ham mas’uliyatli davrga kirib kelmoqda . «Sevilya» nisbatan olganda çigalyozdi, zero Flik şogirdlari uç kun ötib «Bavariya» bilan, kelasi hafta esa «Real» bilan töqnaş kelişadi. Turnir borasida ham şu ikki öyin muhim – Monakodagi mağlubiyat tufayli Çempionlar Ligasida vaziyat nazorat ostida emas, «Real»dan mağlubiyat esa, La Ligadagi peşqadamlikka xavf solişi mumkin. Bu uçraşuvlardagi ijobiy natija ayniqsa, Flikning yoş jamoasiga öziga bölgan işonç uçun juda ahamiyatli.
Aslini olganda «Sevilya» u qadar xavfli bölmasligi kerakdek. Özaro öyinlarni olganda ham oxirgi 40 öyindan atigi 4 tasida andaluslar ğalabasi qayd etilgan, turnir jadvalida ham qariyb uç yildan beri «Sevilya»ni yuqori örinlarda körmayapmiz. Ammo yana şuni bilamizki, «Sevilya» alohida öyinlarda doim kuçli jamoalarga muammo tuğdirib kelgan. Tarkibdagi Navas, Suso, Saul, Gudel kabi tajribali futbolçilarni sindiriş qiyin. Şuningdek, sönggi yillarda «Sevilya»ning tarkibi ança yoşardi, avlodlar almaşinuvini boşdan keçirmoqda. Fernandes, Agum, Karmona kabi yoş futbolçilar asta sekin asosiy futbolçilarga aylanib borişmoqda. Tabiiyki, bu uyğunlik «Barselona»ga yetarliça muammo tuğdirişi turgan gap.
Buning ustiga jarohatlar «Barselona»ning ajralmas qismi bölib qoldi. Jarohatlangan futbolçilar tiklanib ulgurmay, boşqalar lazaretni töldirişmoqda. Pedri, de Yong kabi yarimhimoyaçilar safga qaytib, jamoa tarkibi ança kengayadi deb öylab turganimizda, Ferran Torres, Kristiansen, Bernal kabilar jarohatlanişdi. Flikning Osasunadagi bemavrid rotatsiyasi aslida asosga ega edi, zero murabbiyning özi ta’kidlaganidek, köp futbolçilar mavsum boşidan beri katta xajmda mehnat qilişlariga töğri kelmoqda, ularni almaştiriş uçun esa futbolçilar kam. Ter Stegenning jarohati esa nafaqat darvozabon pozitsiyasi uçun, balkim butun himoyaga ta’sir qiladigan yöqotiş hisoblanadi. «Sevilya»ga qarşi öyinda katta ehtimol bilan Voysex Şesni debyut qilsa kerak. Klub nemis darvozabonining uzoq muddatga safdan çiqqanini inobatga olib, erkin agent bölgan Şesni bilan şartnoma imzolaşga majbur böldi.
Mehmonlar safida esa, Saul kamida yana ikki hafta şeriklariga yordam bera olmaydi. Markaziy himoyaçi Nyanzu Kuassi esa «Betis»ga qarşi derbida hakam tomonidan maydondan çetlatilgandi. U diskvalifikatsiya tufayli muhim bahsni ötkazib yuborişga majbur.
BOŞQA ÖYINLAR
19 oktyabr. TOTTeNHEM – Vest Hem (16:30), BAYYeR – Ayntraxt (18:30), Fulhem – ASTON VILLA (19:00), NYuKASL – Brayton (19:00), MILAN – Udineze (21:00), Bornmut – ARSeNAL(21:30), Sent Eten – LANS (22:00), Selta – ReAL MADRID (23:55), PSJ – Strasbur (23:55)
20 oktyabr. Empoli – NAPOLI (15:30), Venetsiya – ATALANTA (18:00), Vulverhempton – MANÇeSTeR SITI (18:30), ATLeTIKO – Leganes (19:15), Roma – INTeR (23:45).
